ഐഎസ്ആര്ഒയ്ക്ക് പറയാനുള്ളത് എല്ലാം തിരിച്ചു പിടിച്ച ചരിത്രങ്ങള്; ഇതും അതുപോലൊന്ന് മാത്രം; ഇതും നമ്മള് അതിജീവിക്കും; ഇന്ത്യയുടെ അഭിമാനമാണ് ഐഎസ്ആര്ഒ
ചന്ദ്രയാന് 2 ന് അവസാന നിമിഷത്തില് പിഴച്ചൊ എന്ന ആശങ്കകള് പടരുമ്പോഴും. എല്ലാം തിരിച്ചു പിടിച്ച ചരിത്രമാണ് ഇന്ത്യയുടെ സ്വന്തം ഐഎസ്ആര്ഒക്ക് പറയാനുള്ളത്. ഐഎസ്ആര്ഒയുടെ 50 വര്ഷത്തെ ചരിത്രത്തില് മുന്പും പ്രതീക്ഷിച്ച വിജയം കൈവരിക്കാനാകാതെ പോയിട്ടുണ്ട്. വിക്ഷേപണഘട്ടത്തിലെ പാളിച്ചകള് മൂലമായിരുന്നു ഇതില് ഭൂരിഭാഗവും. 1979ല് ഇന്ത്യയുടെ ആദ്യ വിക്ഷേപണവാഹനം എസ്എല്വി 3 ന്റെ ആദ്യപരീക്ഷണം തന്നെ പരാജയമായിരുന്നു. ഒരു വര്ഷത്തിനുള്ളില് ഇതേ വിക്ഷേപണവാഹനം ഉപയോഗിച്ച് രോഹിണി ആര്എസ് 1 ഉപഗ്രഹത്തെ ഭ്രമണപഥത്തിലെത്തിച്ചാണ് ഐഎസ് ആര്ഒ മാസ്സുകാണിച്ചിരുന്നു. പിന്നീടു നിര്മിച്ച എഎസ്എല്വിയുടെയും പിഎസ്എല്വിയുടെയും ആദ്യ 2 വിക്ഷേപണവും പരാജയപ്പെട്ടു. ഇതേ പിഎസ്എല്വിയാണ് പിന്നീട് ഇന്ത്യയുടെ അഭിമാനമായി മാറിയത്. ജിഎസ്എല്വിയുടെ തുടക്കകാലത്തും ഇതുപോലെ തിരിച്ചടികളുണ്ടായെങ്കിലും ഐഎസ് ആര് ഒ കഠിനാധ്വാനത്തിലൂടെ അവയെല്ലാം മറികടക്കുകയായിരുന്നു. സാങ്കേതികരംഗത്തു മാത്രമല്ല, ചാരക്കേസ്, ആന്ട്രിക്സ് അഴിമതിക്കേസ് ഉള്പ്പെടെയുള്ള ആരോപണങ്ങളുണ്ടായപ്പോഴും ശാസ്ത്രജ്ഞര് തളര്ന്നിരുന്നില്ല. ബഹിരാകാശ ദൗത്യങ്ങളുടെ ആസൂത്രണത്തെയോ നടത്തിപ്പിനെയോ ഇവയൊന്നും ബാധിച്ചതുമില്ല. ചന്ദ്രയാന് 2 ആദ്യ വിക്ഷേപണം മാറ്റിവച്ചതിനു ശേഷം ഉറക്കം പോലുമില്ലാതെ ജോലി ചെയ്താണ് ശാസ്ത്രജ്ഞര് തകരാര് കണ്ടെത്തിയതും മണിക്കൂറുകള്ക്കുള്ളില് പരിഹരിച്ചതും. അതീവ അപകടസാധ്യത വകവയ്ക്കാതെയായിരുന്നു ഈ ആത്മസമര്പ്പണം. ഇസ്റോയുടെ ഓരോ നേട്ടത്തെയും രാജ്യം എഴുന്നേറ്റുനിന്ന് ആദരിക്കുന്നതും അതുകൊണ്ടുതന്നെ.
ആകാംക്ഷയുടെ മുള്മുനയിലായിരുന്നു ബെംഗളൂരു പീനിയയിലെ ഇസ്റോ ടെലിമെട്രി, ട്രാക്കിങ് ആന്ഡ് കമാന്ഡ് നെറ്റ്വര്ക്ക് കേന്ദ്രത്തിലെ (ഇസ്ട്രാക്) മിഷന് ഓപ്പറേഷന് കോംപ്ലക്സ്.വിക്രം ലാന്ഡറിന്റെ താഴേക്കുള്ള ഇറക്കം,പതിന്മടങ്ങ് മിടിക്കുന്ന ഹൃദയത്തോടെയാണു റൂമിനുള്ളിലുള്ള ശാസ്ത്രജ്ഞരും മറ്റുള്ളവരും കണ്ടത്. ലാന്ഡിങ് പരാജയപ്പെട്ടതോടെ ഹാളില് നിശബ്ദത പരന്നു. ലോകമെങ്ങും നിന്നുള്ള മാധ്യമപ്രവര്ത്തകരുടെ സംഘം രാവിലെ മുതല് എത്തിത്തുടങ്ങിയിരുന്നു. തത്സമയ സംപ്രേഷണത്തിനുള്ള വാഹനങ്ങളുടെ നീണ്ടനിര റോഡില്. കനത്ത സുരക്ഷാവലയത്തിലായിരുന്നു ഇസ്ട്രാക്കും പരിസരവും. നൂറിലധികം ശാസ്ത്രജ്ഞര് വിക്രം ലാന്ഡറിന്റെ ഓരോ പ്രവര്ത്തനവും ഇമചിമ്മാതെ നിരീക്ഷിച്ചു വിലയിരുത്തിക്കൊണ്ടിരുന്നു. പ്രധാനമന്ത്രിക്കൊപ്പം ചരിത്രനിമിഷങ്ങള്ക്കു സാക്ഷ്യം വഹിക്കാന് അവസരം കിട്ടിയ 70 വിദ്യാര്ഥികളെ രാത്രി പതിനൊന്നോടെ മിഷന് ഓപ്പറേഷന് കോംപ്ലക്സില് എത്തിച്ചു. മലയാളി വിദ്യാര്ഥികളായ അഹമ്മദ് തന്വീര്, ശിവാനി എസ്.പ്രഭു എന്നിവരും സംഘത്തിലുണ്ടായിരുന്നു. ഭൂട്ടാനില് നിന്നുള്ള വിദ്യാര്ഥികളും ദൗത്യം കാണാന് എത്തിയിരുന്നു. പുലര്ച്ചെ 1.23നു പ്രധാനമന്ത്രി ഇസ്ട്രാക്കിലെത്തി.തുടര്ന്ന് ദൗത്യത്തിന്റെ എല്ലാ ഘട്ടങ്ങളും അദ്ദേഹം വീക്ഷിച്ചു.
" frameborder="0" allow="autoplay; encrypted-media" allowfullscreen>
https://www.facebook.com/Malayalivartha