ഛത്തീസ്ഗഡിലെ നാരായണ്പൂരില് സഹപ്രവര്ത്തകന്റെ വെടിയേറ്റ് മരിച്ച ഐ ടി ബി പി ഉദ്യോഗസ്ഥന് ബിജീഷിന്റെ മൃതദേഹം ഔദ്യോഗിക ബഹുമതികളോടെ സംസ്കരിച്ചു
ഛത്തീസ്ഗഡിലെ നാരായണ്പൂരില് സഹപ്രവര്ത്തകന്റെ വെടിയേറ്റ് മരിച്ച ഐ ടി ബി പി ഉദ്യോഗസ്ഥന് ബിജീഷിന്റെ മൃതദേഹം ഔദ്യോഗിക ബഹുമതികളോടെ സംസ്കരിച്ചു. രാവിലെ പേരാമ്പ്ര കൈതക്കലില് നിന്നും വിലാപയാത്ര ആയാണ് ലാസ്റ്റ് കല്ലോടിലെ വീട്ടിലെത്തിച്ചത്.
രാവിലെതന്നെ വന് ജനാവലിയാണ് ബിജീഷിന് അന്ത്യോപചാരമര്പ്പിക്കാന് എത്തിയത്. ബുധനാഴ്ചയായിരുന്നു ഛത്തീസ്ഗഢിലെ നാരയാണ്പുര് ജില്ലയിലെ ക്യാമ്ബില് സേനാംഗങ്ങള് തമ്മിലുണ്ടായ വെടിവെയ്പില് ബിജീഷടക്കം ഏഴു പേര് മരിച്ചത്. ഡ്യൂട്ടി സമയവുമായി ബന്ധപ്പെട്ട തര്ക്കമാണ് വെടിവെയ്പില് കലാശിച്ചത്.
ഇന്തോ-ടിബറ്റന് ബോര്ഡര് പോലീസിന്റെ (ഐടിബിടി) 45 ബറ്റാലിയനിലെ കദേനാര് ക്യാമ്പില് പോസ്റ്റ് ചെയ്തിരുന്നവര് തമ്മിലാണ് സംഘര്ഷമുണ്ടായത്. തര്ക്കത്തിനിടെ ഒരു പൊലീസുകാരന് സഹപ്രവര്ത്തകര്ക്ക് നേരെ സര്വീസ് റിവോള്വര് ഉപയോഗിച്ച് വെടിയുതിര്ക്കുകയായിരുന്നു.
വെടിയുതിര്ത്ത പൊലീസുകാരനെയും വെടിവെച്ച് കൊന്നു. കൊല്ലപ്പെട്ടവരില് മൂന്ന് പേര് പശ്ചിമ ബംഗാള് സ്വദേശികളും ഒരാള് ഹിമാചല് പ്രദേശുകാരനും മറ്റൊരാള് പഞ്ചാബ് സ്വദേശിയുമാണ്. ലാസ്റ്റ് കല്ലോട് അയ്യപ്പന് ചാലില് ബാലന്- സുമ ദമ്പതികളുടെ മകനായ ബിജീഷ് നാല് മാസം മുമ്പാണ് അവസാനമായി നാട്ടില് വന്നത്.
https://www.facebook.com/Malayalivartha
