കൊവിഡ് 19 പ്രതിരോധ പ്രവർത്തനത്തിന് 51 കോടിയുടെ ധനസഹായവുമായി ബിസിസിഐ; സംസ്ഥാന അസ്സോസിയേഷനുകളുമായി ചേർന്ന് തുക കൈമാറും
രാജ്യത്ത് കൊവിഡ് 19 സാഹചര്യത്തിൽ പ്രതിരോധ പ്രവർത്തനങ്ങള്ക്ക് 51 കോടിയുടെ ധനസഹായം പ്രഖ്യാപിച്ച് ബിസിസിഐ. സംസ്ഥാന അസോസിയേഷനുകളോട് ചേർന്നാണ് പി.എം കെയർസ് ഫണ്ടിലേക്ക്(PM-CARES Fund) തുക നല്കുന്നതെന്ന് ബിസിസിഐ വാർത്താക്കുറിപ്പില് അറിയിച്ചു.
ബിസിസിഐയും സംസ്ഥാന ക്രിക്കറ്റ് അസോസിയേഷനുകളും കേന്ദ്ര സർക്കാരിനും സംസ്ഥാന സർക്കാരുകള്ക്കും മറ്റ് ഭരണസംവിധാനങ്ങള്ക്കും ഒപ്പം ചേർന്ന് പ്രവർത്തിക്കുമെന്ന് ബോർഡ് അറിയിച്ചു .കൊറോണ വൈറസ് വ്യാപനത്തിന്റെ പശ്ചാത്തലത്തില് എല്ലാ പിന്തുണയും സഹായവും ചെയ്യുമെന്നും ബിസിസിഐ അറിയിച്ചു.
കൊവിഡ് 19നെ തടയാനുള്ള ശ്രമങ്ങള്ക്ക് 52 ലക്ഷം രൂപയുടെ സഹായം ഇന്ത്യന് ക്രിക്കറ്റ് താരം സുരേഷ് റെയ്ന ഇന്ന് പ്രഖ്യാപിച്ചിരുന്നു. ഇതിന് പ്രധാനമന്ത്രി നരേന്ദ്ര മോദി നന്ദിയറിയിക്കുകയും ചെയ്തു. മാസ്റ്റർ ബ്ലാസ്റ്റർ സച്ചിന് ടെന്ഡുല്ക്കർ 50 ലക്ഷം രൂപയുടെ സഹായം മുൻപ് പ്രഖ്യാപിച്ചിരുന്നു. ബിസിസിഐ പ്രസിഡന്റ് സൌരവ് ഗാംഗുലി വ്യക്തിപരമായ സഹായവും ഇതിനോടൊപ്പം പ്രഖ്യാപിച്ചിട്ടുണ്ട്.
കൊവിഡ് 19 വ്യാപനം ലോകമൊട്ടാകെ രൂക്ഷമാകുകയാണ്. ആറുലക്ഷത്തിലധികം പേർക്കാണ് രോഗം ഇതുവരെ സ്ഥിതീകരിച്ചത്. മരണസംഘ്യ ഇരുപ്പത്തിയെട്ടായിരം കവിഞ്ഞു. ഇന്ത്യയിലും സ്ഥി രൂക്ഷമാണ്. ഇതുവരെ എണ്ണൂറിലധികം പേർക്ക് രോഗം സ്ഥിതീകരിച്ചു. 21 പേരാണ് ഇന്ത്യയിൽ ഇതുവരെ രോഗം ബാധിച്ച് മരിച്ചത്.
https://www.facebook.com/Malayalivartha