രാജ്യത്തെ കൊവിഡ് ബാധിതരുടെ എണ്ണം 1.80 ലക്ഷം കടന്നു. 5,144 പേര്‍ക്ക് മരണം സംഭവിച്ചു. ഏറ്റവും കൂടുതല്‍ രൂക്ഷമായ മഹാരാഷ്ട്രയില്‍ 2940 പുതിയ കൊവിഡ് രോഗികളും 99 മരണവും ഇന്നലെ റിപ്പോര്‍ട്ട് ചെയ്തു. ആകെ കൊവിഡ് കേസുകള്‍ 65,​168. മരണം 2197ര്‍. ധാരാവിയില്‍ 18 പുതിയ കൊവിഡ് രോഗികളും ഒരു മരണവും. തമിഴ്നാട്ടില്‍ 856 പുതിയ കൊവിഡ് രോഗികൾ റിപ്പോർട്ട് ചെയ്തു. 6 മരണവും. ആകെ കേസുകള്‍ 21,​184 ആയി ഉയര്‍ന്നു.

ദേശീയ തലസ്ഥാനമായ ഡല്‍ഹിയില്‍ തുടര്‍ച്ചയായ മൂന്നാംദിവസും പുതിയ കൊവിഡ് ബാധിതര്‍ ആയിരം കടന്നു. ഇന്നലെ 1163 പുതിയ രോഗികളും 18 മരണവും. ആകെ കേസുകള്‍ 18,​549. ഗുജറാത്തില്‍ ഇന്നലെ 412 പുതിയ കൊവിഡ് രോഗികളും 27 മരണവും. പശ്ചിമബംഗാളില്‍ 317 പുതിയ രോഗികളും ഏഴു മരണവും.

ജമ്മുകാശ്‌മീരില്‍ 177, ചത്തീസ്ഗഢില്‍ 32, ഹരിയാനയില്‍ 202 ,കര്‍ണാടകയില്‍ 141 , ഒഡിഷ 96, ആന്ധ്രാപ്രദേശ് 131,പഞ്ചാബ് 36 എന്നിങ്ങനെയാണ് പുതിയ രോഗികള്‍.