പതിനാറുകാരിയെ രണ്ടുവര്‍ഷത്തോളം ബലാത്സംഗം ചെയ്ത സംഭവത്തില്‍ പിതാവും സഹോദരനും അറസ്റ്റില്‍; അനിയത്തിയെ ഉപദ്രവിക്കുമോയെന്ന ഭയം മൂലമാണ് ഇത്രയും കാലം ബലാത്സംഗവിവരം പുറത്ത് പറയാതിരുന്നതെന്ന് പെണ്‍കുട്ടി
പതിനാറുകാരിയെ രണ്ടു വര്‍ഷത്തോളം ബലാത്സംഗം ചെയ്ത സംഭവത്തില്‍ പിതാവും സഹോദരനും അറസ്റ്റില്‍. മുംബൈയില്‍ 10ാം ക്ലാസ് വിദ്യാര്‍ഥിനിക്ക് നേരെയായിരുന്നു ആക്രമണം ഉണ്ടായത് .സ്‌കൂള്‍ പ്രിന്‍സിപ്പലിനോടും അധ്യാപികയോടും പെണ്‍കുട്ടി ബലാത്സംഗ വിവരം തുറന്നുപറഞ്ഞതോടെയാണ് സംഭവം പുറം ലോകം അറിഞ്ഞത് .
സ്‌കൂള്‍ അധികൃതര്‍ എന്‍.ജി.ഒയെയും പൊലീസിനെയും വിവരം അറിയിച്ചു. തുടര്‍ന്ന് പെണ്‍കുട്ടിയെ കൗണ്‍സലിങ്ങിന് വിധേയമാക്കി.2019 ജനുവരിയില്‍ 43കാരനായ പിതാവാണ് കുട്ടിയെ ആദ്യം ബലാത്സംഗത്തിന് വിധേയമാക്കിയത്. പിന്നീട് അതേമാസം തന്നെ 20 കാരനായ സഹോദരനും പെണ്‍കുട്ടിയെ ബലാത്സംഗത്തിന് വിധേയമാക്കി.
പിന്നീട് ഇരുവരും പെണ്‍കുട്ടിയെ തുടര്‍ച്ചയായി ബലാത്സംഗം ചെയ്തു. അതെസമയം തന്റെ അനിയത്തിയെ ഉപദ്രവിക്കുമോയെന്ന ഭയം മൂലമാണ് ഇത്രയും കാലം ബലാത്സംഗവിവരം പുറത്ത് പറയാതിരുന്നതെന്നും പെണ്‍കുട്ടി പൊലീസിനോട് പറഞ്ഞു.
https://www.facebook.com/Malayalivartha
