പൊതുമേഖലാ സ്ഥാപനമായ കേരള സ്റ്റേറ്റ് പോൾട്രി ഡെവലപ്പ്മെന്റ് കോർപറേഷനിലെ ജീവനക്കാർക്കുള്ള പെർഫോമൻസ് കം ഇൻസെന്റ്റീവ്, ബോണസ് എന്നിവ വർധിപ്പിക്കും. മൃഗസംരക്ഷണ വകുപ്പ് മന്ത്രി ബിന്ദു കൃഷ്ണയുടെ സാനിദ്ധ്യത്തിൽ കെപ്കോ മാനേജ്‌മെന്റ് വിവിധ തൊഴിലാളി യൂണിയൻ പ്രതിനിധികളുമായി നടത്തിയ ചർച്ചയിലാണ് അനുകൂല്യങ്ങളുടെ കാര്യത്തിൽ ധാരണയായത്. എല്ലാ വിഭാഗം ജീവനക്കാർക്കും മുൻവർഷത്തേക്കാൾ 600 രൂപയുടെ വർദ്ധനവ് നൽകാനാണ് ധാരണ.

ഇതനുസരിച്ച് സ്ഥിരം ജീവനക്കാർക്ക് 29,600 രൂപ വരെയും, താൽകാലിക ജീവനക്കാർക്ക് 24,000 രൂപ വരെയും പെർഫോമൻസ് കം മോട്ടിവേഷൻ അലവൻസ് ലഭിക്കും.കൂടാതെ ഒരു മാസത്തെ ശമ്പളത്തിന് തുല്യമായ തുക അഡ്വാൻസായി അനുവദിക്കും.