റോഡിൽ ഓവർ ടേക്ക് ചെയ്തതിന് ഉത്തർപ്രദേശിൽ മാധ്യമപ്രവർത്തകനെ തല്ലിക്കൊന്നു. ബുധനാഴ്ച വൈകിട്ടാണ് സംഭവം. സുധീർ സൈനി എന്ന മാധ്യമപ്രവർത്തകനാണ് കൊല്ലപ്പെട്ടത്. സംഭവത്തിൽ മൂന്ന് പേർ അറസ്റ്റിലായി. ശഹരാൺപൂരിൽ വച്ച് മൂന്ന് പേർ പോവുകയായിരുന്ന ബൈക്കിനെ സൈനി ഓവർ ടേക്ക് ചെയ്യുകയായിരുന്നു. ഇതിനെച്ചൊല്ലി ഇരുകൂട്ടരും തമ്മിൽ തർക്കമുണ്ടായെന്ന് പൊലീസ് പറഞ്ഞു. തർക്കത്തിനൊടുവിൽ മൂന്ന് പേരും ചേർന്ന് സൈനിയെ ആക്രമിക്കുകയായിരുന്നു.

ആക്രമണത്തിൽ പരുക്കേറ്റ സൈനിയെ ഉടനെ ആശുപത്രിയിലെത്തിച്ചെങ്കിലും രക്ഷിക്കാനായില്ല. സംഭവവുമായി ബന്ധപ്പെട്ട് ജ​ഗാം​ഗിർ, ഫർമാൻ എന്നിവർ പിടിയിലായതായി പൊലീസ് അറിയിച്ചു. പ്രതികളിലൊരാളായ മന്നൻ എന്നയാൾ ഒളിവിലാണ്. ഇയാൾക്കായി അന്വേഷണം ആരംഭിച്ചതായി പൊലീസ് പറഞ്ഞു. ഇത് ആദ്യമായല്ല ഉത്തർപ്രദേശിൽ മാധ്യമപ്രവർത്തകർക്ക് നേരെ ആക്രമണം ഉണ്ടാകുന്നതും കൊല്ലപ്പെടുന്നതും.