സൈന്യം കശ്മീരില്‍ നടത്തുന്ന പ്രവര്‍ത്തനം സമാനതകളില്ലാത്തതാണ്. ഇതിനിടയില്‍ വ്യാജന്‍മാര്‍ ഇറങ്ങി പലതും വരുത്തിതീര്‍ക്കാന്‍ ശ്രമിക്കുന്നുണ്ടെങ്കിലും കശ്മീരികള്‍ തന്നെ അതിശക്തമായ മറുപടി നല്‍കുകയാണ്. ഇന്ത്യന്‍ പട്ടാളം കാശ്മീരില്‍ കൂട്ടബലാത്സംഗം നടത്തുന്നുവെന്ന ആരോപണങ്ങള്‍ക്ക് വ്യക്തമായ മറുപടിയുമായി എത്തിയിരിക്കുകയാണ് ദി ഡിപ്ലോമാറ്റ് പത്രം. കാശ്മീരി സ്ത്രീകള്‍ നല്‍കിയ അഭിമുഖമാണ് അവര്‍ പുറത്തുവിട്ടത്.

കഴിഞ്ഞ നാളുകളില്‍ തങ്ങളുടെ വീടുകളില്‍ അഭയം തേടി എത്തുന്ന തീവ്രവാദികളാണ് തങ്ങളെ പീഡിപ്പിച്ചതെന്ന് തുറന്ന് പറയുകയാണ് അവര്‍. പന്ത്രണ്ട് വയസുകാരിയെ പീഡിപ്പിക്കാന്‍ ശ്രമിച്ച ഭീകരനെ തടയാന്‍ നോക്കിയ കുട്ടിയുടെ പിതാവിനെ വെടിവെച്ച് കൊന്ന സംഭവം വരെ ഇതില്‍ ഉള്‍പ്പെടുന്നു. ഭര്‍ത്താവിന്റെയും പിതാവിന്റെയും മുമ്പില്‍ പീഡിപ്പിക്കപ്പെട്ട സംഭവും അവര്‍ തുറന്നു പറയുന്നു. എന്നാല്‍ ഇന്ന് രാജ്യവും സൈന്യവും തങ്ങള്‍ക്ക് ഒപ്പമുള്ളതിനാല്‍ ഭയമില്ലെന്നും കാശ്മീരി പെണ്‍ക്കുട്ടികള്‍ വ്യക്തമാക്കുന്നു.  തീര്‍ന്നില്ല
തോക്കേന്തിയ ഭീകരനെ വധിക്കാന്‍ പ്രയാസമില്ല. എന്നാല്‍ അര്‍ബന്‍ വൈറ്റ് കോളര്‍ ഭീകരരാണ് പുതിയ ഭീകരരെ സൃഷ്ടിക്കുന്നത്. അവര്‍ എക്കാലത്തും ഭീഷണി തന്നെയാണ്. രാഷ്ട്രീയ അന്താരാഷ്ട്ര സ്വാധീനവും ആധുനിക സൗകര്യങ്ങളും പണവുമെല്ലാം ചേര്‍ന്നുള്ള ശ്രൃംഖലയാണ് ഇക്കാലത്തെ വെല്ലുവിളി.' ചിനാര്‍ കോര്‍ മേധാവി ഡി.പി.പാണ്ഡെ പറഞ്ഞത് പലതും മനസിലാക്കിയിട്ട് തന്നെയാണ്.

ജമ്മുകശ്മീരിലെ ശാന്തിയും സമാധാനവും ഉറപ്പുവരുത്താന്‍ ഏതറ്റംവരേയും പോകാന്‍ സൈന്യം എന്നും തയ്യാറാണ്. സാധാരണക്കാരന്റെ ജീവിതം ഇന്ന് ഏറെ സുരക്ഷിതമാണ്. യുവാക്കള്‍ ഭീകരത വഴി ഇന്ന് തിരഞ്ഞെടുക്കുന്നില്ല. അതേ സമയം നഗരകേന്ദ്രീകൃതമായി ചെറുപ്പക്കാരെ ലക്ഷ്യമിടുന്ന രീതികള്‍ പുതിയ രൂപവും ഭാവവും കൈവരിക്കുന്നു. ഇത് സൈന്യം തിരിച്ചറിഞ്ഞാണ് പ്രവര്‍ത്തിക്കുന്നതെന്നും ചിനാര്‍ കോര്‍ മേധാവി പറഞ്ഞു. നഗരങ്ങളിലും ഗ്രാമങ്ങളിലും ജനജീവിതം ഏറെ മെച്ചപ്പെട്ടിരിക്കുന്നു. ഭീകരരെ കണ്ടെത്തി ഇല്ലായ്മ ചെയ്യുന്നതില്‍ ഗ്രാമങ്ങളിലെ ജനത കൂടുതല്‍ ജാഗ്രതയും ധൈര്യവും കാണിക്കുന്നുവെന്നും പാണ്ഡെ പറഞ്ഞു. ഇതിന് പിന്നാലെയാണ് യുവതികളും രംഗത്ത് വന്നത്.