ഈസ്റ്റര് ദിനത്തില് ദില്ലിയിലെ സേക്രഡ് ഹാര്ട്ട് കത്തിഡ്രലില് സന്ദര്ശനം നടത്തി പ്രധാനമന്ത്രി നരേന്ദ്രമോദി... കര്ണാടക സന്ദര്ശനം പൂര്ത്തിയാക്കി ഡല്ഹി വിമാനത്താവളത്തിലിറങ്ങിയശേഷം നേരെ പള്ളിയിലെത്തി, പള്ളിയില് നടന്ന പ്രാര്ത്ഥനയിലും പങ്കെടുത്തു
ഈസ്റ്റര് ദിനത്തില് പ്രധാനമന്ത്രി നരേന്ദ്രമോദി ദില്ലിയിലെ സേക്രഡ് ഹാര്ട്ട് കത്തിഡ്രലില് സന്ദര്ശനം നടത്തി. വൈകിട്ട് അഞ്ചരയോടെ പള്ളിയിലേക്കെത്തിയ അദ്ദേഹത്തെ വൈദികര് ചേര്ന്ന് സ്വീകരിച്ചു. മെഴുകുതിരി കത്തിച്ച ശേഷം പ്രധാനമന്ത്രി പ്രാര്ത്ഥനയില് പങ്കെടുത്തു. ഇരുപത് മിനിറ്റോളം പളളിക്കുള്ളില് ചിലവഴിച്ച് പുരോഹിതരുമായും വിശ്വസികളുമായും സംവദിച്ച ശേഷമാണ് അദ്ദേഹം മടങ്ങിയത്.
ദേവാലയ സന്ദര്ശനത്തിനുശേഷം കത്തീഡ്രലിനു മുന് വശത്തുള്ള പൂന്തോട്ടത്തില് പ്രധാനമന്ത്രി വൃക്ഷത്തൈ നട്ടു.
പ്രധാനമന്ത്രിയുടെ സന്ദര്ശനത്തില് വിശ്വാസി സമൂഹം കൃതാര്ത്ഥരാണെന്നും സന്ദര്ശന വേളയില് പ്രധാനമന്ത്രിയുമായി മറ്റു ചര്ച്ചകളോ പ്രസംഗമോ ഉണ്ടായിട്ടില്ലെന്നും ബിഷപ്പുമാര് വ്യക്തമാക്കി.
പ്രധാനമന്ത്രിക്കു പുറമെ 1986ല് വിശുദ്ധ ജോണ്പോള് രണ്ടാമന് മാര്പാപ്പയ്ക്കൊപ്പം അന്നത്തെ പ്രധാനമന്ത്രി രാജീവ് ഗാന്ധിയും ഇവിടെ സന്ദര്ശിച്ചിരുന്നു.
അതേസമയം കഴിഞ്ഞ വര്ഷം ക്രിസ്മസിന് മുന്നോടിയായി രാഷ്ട്രപതി ദ്രൗപദി മുര്മുവും ദില്ലിയിലെ സേക്രട്ട് ഹാര്ട്ട് കാത്തലിക് കത്തീഡ്രല് സന്ദര്ശിച്ചിരുന്നു.
https://www.facebook.com/Malayalivartha
