എല്‍ടിടിഇ കേന്ദ്രങ്ങളില്‍ റെയ്ഡുമായി ദേശീയ അന്വേഷണ ഏജന്‍സി (എന്‍ഐഎ). എല്‍ടിടിഇയുമായി ബന്ധമുണ്ടെന്ന് സംശയിക്കുന്ന എട്ടു പേരുടെ ഉടമസ്ഥതയിലുള്ള സ്ഥാപനങ്ങളിലും വീടുകളിലുമാണ് പരിശോധന നടത്തിയത്. റെയ്ഡില്‍ സ്വര്‍ണ ബിസ്‌കറ്റുകളും രേഖകളും ഡിജിറ്റല്‍ ഉപകരണങ്ങളും പിടിച്ചെടുത്തു.

എല്‍ടിടിഇയെ പുനരുജ്ജീവിക്കാന്‍ ലക്ഷ്യമിട്ട് പ്രവര്‍ത്തിക്കുന്ന ഇന്ത്യാ- ശ്രീലങ്ക സംഘത്തിന്റെ കേന്ദ്രങ്ങളിലാണ് പരിശോധന നടത്തിയതെന്ന് എന്‍ഐഎ അറിയിച്ചു. ഒരാഴ്ചയായി ചെന്നൈയില്‍ നടക്കുന്ന പരിശോധനയില്‍ ഒരാളെ അറസ്റ്റ് ചെയ്തിരുന്നു. എല്‍ടിടിഇക്കായി ശ്രീലങ്കയില്‍നിന്ന് ഇന്ത്യയിലേക്ക് പണം എത്തിച്ച അയ്യപ്പന്‍ നന്ദു എന്നയാളാണ് പിടിയിലായത്.