പ്രധാനമന്ത്രിയുടെ വിദ്യാഭാസ യോഗ്യതയെ വീണ്ടും പരിഹസിച്ച് അരവിന്ദ് കേജ്രിവാള്
പ്രധാനമന്ത്രിയുടെ വിദ്യാഭാസ യോഗ്യതയെ വീണ്ടും പരിഹസിച്ച് രംഗത്തെത്തിയിരിക്കുകയാണ് ഡല്ഹി മുഖ്യമന്ത്രി അരവിന്ദ് കേജ്രിവാള്. നരേന്ദ്രമോഡിയെ നാലാം ക്ളാസ് രാജയെന്നായിരുന്നു ആംആദ്മി നേതാവ് വിശേഷിപ്പിച്ചത്. ഡല്ഹി മുഖ്യമന്ത്രി എന്ന നിലയില് നടപ്പിലാക്കിയ വികസന പദ്ധതികള് പ്രധാനമന്ത്രിയെ ചൊടിപ്പിച്ചതായും ഇന്ന് ചേര്ന്ന പ്രത്യേക നിയമസഭാ സമ്മേളനത്തിനിടയില് അദ്ദേഹം പറഞ്ഞു.
മദ്യനയക്കേസില് ഡല്ഹി മുഖ്യമന്ത്രിയെ തന്നെ സിബിഐ ചോദ്യം ചെയ്യുന്ന സാഹചര്യം ഉടലെടുത്തതിന് പിന്നാലെയാണ് പ്രത്യേക നിയമസഭാ സമ്മേളനം വിളിച്ചുചേര്ത്തത്. ബിജെപി ആംആദ്മി സര്ക്കാരിനെതിരെ രാഷ്ട്രീയ ആയുധമാക്കി മാറ്റിയ ഡല്ഹി മദ്യനയക്കേസില് ഒമ്പത് മണിക്കൂറോളമാണ് ഇന്നലെ സിബിഐ കേജ്രിവാളിനെ ചോദ്യം ചെയ്തത്.
സിബിഐ ചോദിച്ച 56 ചോദ്യങ്ങള്ക്കും മറുപടി നല്കിയതായും കേസ് വ്യാജമാണെന്നും കേജ്രിവാള് ചോദ്യം ചെയ്യലിന് ശേഷം അറിയിച്ചിരുന്നു. ആംആദ്മി ദേശീയ പദവിയിലെത്തിയതിനാല് രാഷ്ട്രീയ ഉത്മൂലനത്തിനുള്ള തിരക്കുപിടിച്ച ശ്രമമാണ് നടക്കുന്നതെന്നും നേതാക്കള്ക്കെതിരെ തെളിവിന്റെ തരി പോലും സിബിഐയുടെ പക്കലില്ലെന്നും അദ്ദേഹം ആരോപിച്ചു.
https://www.facebook.com/Malayalivartha
