ജമ്മു കശ്‌മീരിൽ കുതിച്ചെത്തി എൻഐഎ. കശ്മീരിൽ എൻഐഎ റെയിഡ് നടത്തുന്നുവെന്ന വിവരമാണ് ഇപ്പോൾ പുറത്ത് വരുന്നത്. 12 ഇടങ്ങളിൽ എൻ ഐ എ പരിശോധന നടത്തിയിരിക്കുകയാണ്. പൂഞ്ച്‌ തീവ്രവാദ ആക്രമണത്തിന്റെ പശ്ചാത്തലത്തിലാണ് എൻഐഎ റെയിഡ് നടത്തിയത്.അതിശക്തമായ നീക്കമാണ് എൻ ഐ എ നടത്തി കൊണ്ടിരിക്കുന്നത് എന്നതാണ് ശ്രദ്ധേയമായ കാര്യം.

ആക്രമണത്തിൽ പങ്കെടുത്തെന്ന് സംശയിക്കുന്ന 12 പേരെ എൻഐഎ കസ്റ്റഡിയിലെടുത്തിരുന്നു. എൻഐഎ അന്വേഷണത്തിൽ കണ്ടെത്തിയിരിക്കുന്നത്, സൈനികർ സഞ്ചരിച്ച ട്രക്കിന് നേരെ ഇരുവശങ്ങളിൽ നിന്നും തീവ്രവാദികൾ വെടിയുതിർത്തുവെന്നാണ്.

തീവ്രവാദികൾ എണ്ണത്തിൽ കൂടുതലുണ്ടായിരുന്നുവെന്ന് അന്വേഷണ സംഘത്തിന് സംശയമുണ്ടെന്നതും ശ്രദ്ധേയമായ കാര്യമാണ്. ഈ സ്ഥലത്ത് നിന്നും ചൈനീസ് വെടിയുണ്ടകൾ കണ്ടെത്തിയിരുന്നു . തീവ്രവാദികൾ ചൈനീസ് വെടിയുണ്ടകളുപയോഗിച്ചുവെങ്കിൽ അയൽ രാജ്യത്തിന്റെ പിന്തുണയോടെയെത്തിവരാണെന്നാണ് അന്വേഷണ ഉദ്യോഗസ്ഥർ വ്യക്തമാക്കി.