ശാരീരികബന്ധത്തിന് വഴങ്ങാതെ ഒഴിഞ്ഞുമാറിയ ഭാര്യയെ ഭർത്താവ് കുത്തിക്കൊലപ്പെടുത്തി. ഝാൻസി പ്രേംനഗറിലെ ബിജൗലി മേഖലയിൽ താമസിക്കുന്ന രേഖ എന്ന യുവതിയെയാണ് ഭർത്താവ് കൊലപ്പെടുത്തിയത്. സംഭവവുമായി ബന്ധപ്പെട്ട് ഭർത്താവ് സഞ്ജീവ് റൈക്വാറിനെ പോലീസ് അറസ്റ്റ് ചെയ്തു. രേഖയ്ക്ക് ഒരു യുവാവുമായി പ്രണയബന്ധമുണ്ടെന്ന സംശയത്തിലായിരുന്നു സഞ്ജീവ്.

ഇക്കാരണത്താൽ ഇരുവരും തമ്മിൽ പതിവായി തർക്കം ഉണ്ടായിരുന്നു. സംഭവദിവസം രാത്രിയിൽ ശാരീരികബന്ധത്തിന് സഞ്ജീവ് താൽപര്യം പ്രകടിപ്പിച്ചപ്പോൾ രേഖ ഒഴിഞ്ഞു മാറുകയും നിർബന്ധിപ്പോൾ വാക്കേറ്റമുണ്ടാവുകയും പെട്ടെന്നുണ്ടായ ദേഷ്യത്തിൽ സഞ്ജീവ് രേഖയെ കുത്തിക്കൊലപ്പെടുത്തുകയുമായിരുന്നു. കൃത്യത്തിന് ശേഷം അവിടെ നിന്ന് മുങ്ങിയ ഇയാളെ പോലീസ് നടത്തിയ രഹസ്യാന്വേഷണത്തിനൊടുവിലാണ് പിടികൂടി അറസ്റ്റ് ചെയ്തത്.