മൈസൂര് സര്വകലാശാല പി.ജി കാമ്പസായ മാനസഗംഗോത്രിക്ക് സമീപം ബൊഗഡി മെയിന് റോഡില് അശാസ്ത്രീയമായി നിര്മിച്ച ഹംപ് കാരണം മൂന്ന് ദിവസത്തിനിടെ പൊലിഞ്ഞത് മൂന്നുപേരുടെ ജീവന്
മൈസൂര് സര്വകലാശാല പി.ജി കാമ്പസായ മാനസഗംഗോത്രിക്ക് സമീപം ബൊഗഡി മെയിന് റോഡില് അശാസ്ത്രീയമായി നിര്മിച്ച ഹംപ് കാരണം മൂന്ന് ദിവസത്തിനിടെ പൊലിഞ്ഞത് മൂന്നുപേരുടെ ജീവന്.
വിരാജ്പേട്ട കന്ദഗള സ്വദേശി ബി.എം ബിദ്ദപ്പയുടെ മകന് ബി. ശിവന് (25) ആണ് കഴിഞ്ഞദിവസം മരിച്ചത്. ഞായറാഴ്ച രാവിലെ 6.30 ഓടെ ശിവന് സഞ്ചരിച്ച ബൈക്ക് ഹംപില്തട്ടി മറിഞ്ഞ് ഗുരുതരമായി പരിക്കേല്ക്കുകയായിരുന്നു. ആശുപത്രിയില് തീവ്രപരിചരണ വിഭാഗത്തില് കഴിയവെ, ചൊവ്വാഴ്ച രാത്രിയാണ് യുവാവ് മരണത്തിന് കീഴടങ്ങിയത്.
മൈസൂരു മരതിക്യാതനഹള്ളി സ്വദേശി യശ്വന്ത്, മൈസൂരു എച്ച്.ഡി കോട്ടെ സ്വദേശി കുമാര് എന്നിവര് ഞായറാഴ്ച ഇതേസ്ഥലത്തുണ്ടായ അപകടത്തില് മരണപ്പെട്ടിരുന്നു. റോഡില് ഹംപ് സ്ഥാപിച്ചത് തിരിച്ചറിയാനാവാത്തതാണ് അപകടങ്ങള്ക്ക് വഴിവെച്ചത്. സൂചനാ ബോര്ഡുകളോ ഹംപില് വെള്ള വരയോ നല്കിയിരുന്നില്ല.
മൈസൂരുവില് സ്വകാര്യ കമ്പനിയില് ജോലിക്കാരനായ ശിവന് സരസ്വതിപുരത്ത് വാടകക്ക് താമസിച്ചുവരികയായിരുന്നു. ജോലി കഴിഞ്ഞ് താമസസ്ഥലത്തേക്ക് മടങ്ങുന്നതിനിടെയാണ് അപകടം നടന്നത്. അപകടങ്ങള് പതിവായതോടെ അധികൃതര് കഴിഞ്ഞദിവസമെത്തി ഹംപില് വെള്ള വരയിടുകയും ചെയ്തു.
"
https://www.facebook.com/Malayalivartha
