ഇന്ത്യയെ വികസിത രാഷ്ട്രമാക്കാന് ഓരോ പൗരനും ശ്രമിക്കണം... അടുത്ത 25 വര്ഷം ഇന്ത്യയ്ക്ക് ഏറെ നിര്ണായകമാണെന്ന് പ്രധാനമന്ത്രി
അടുത്ത 25 വര്ഷം ഇന്ത്യയ്ക്ക് ഏറെ നിര്ണായകമാണെന്ന് പ്രധാനമന്ത്രി നരേന്ദ്ര മോദി. 2047നുള്ളില് ഇന്ത്യയെ വികസിത രാഷ്ട്രമാക്കാന് ഓരോ പൗരനും ശ്രമിക്കണമെന്നും മോദി പറഞ്ഞു. പാര്ലമെന്റിന്റെ അവസാന ദിവസം ലോക്സഭയില് സംസാരിക്കുകയായിരുന്നു പ്രധാനമന്ത്രി. രാഷ്ട്രീയം മാറ്റി നിര്ത്തിക്കൊണ്ട് രാജ്യത്തിന്റെ സ്വപ്നങ്ങള്ക്കാണ് നിലവില് പ്രാധാന്യമെന്നും അദ്ദേഹം പറഞ്ഞു.
അഞ്ച് വര്ഷത്തിനിടെ രാജ്യത്തിന്റെ ഗതി തന്നെ മാറ്റി മറിക്കുന്ന നിരവധി പരിഷ്കാരങ്ങള് സംഭവിച്ചിട്ടുണ്ട്.ഇക്കാലങ്ങളിലായി രാജ്യം നിരവധി വെല്ലുവിളികള് നേരിട്ടു. ഈ പ്രശ്നങ്ങളിലെല്ലാം ഉചിതമായ മാര്ഗനിര്ദേശം നല്കാന് ആയി. സാമൂഹിക നീതിയില് നിന്ന് അകന്ന് ജീവിച്ചിരുന്ന കശ്മീര് ജനതയ്ക്ക് നീതി ഉറപ്പാക്കി.
പുതിയ പാര്ലമെന്റ് മന്ദിരം യാഥാര്ഥ്യമാക്കി. മുത്തലാഖ്, ജി-20 ആതിഥേയത്വം എന്നിവയും അദ്ദേഹം ചൂണ്ടിക്കാട്ടി. ഇന്ത്യയുടെ ഭരണഘടന തയാറാക്കിയവര് ഇന്ന് നമ്മെ അനുഗ്രഹിക്കുന്നുണ്ടാകും എന്നും മോദി പറഞ്ഞു.
https://www.facebook.com/Malayalivartha
