യാത്രയ്ക്കിടെ മറ്റുള്ളവര്ക്ക് ബുദ്ധിമുട്ട് ഉണ്ടാകുന്ന തരത്തില് മൊബൈല് ഉപയോഗിക്കരുത്... ബസുകളിൽ പെരുമാറ്റച്ചട്ടവുമായി തമിഴ്നാട് സർക്കാർ
യാത്രയ്ക്കിടെ മറ്റുള്ളവര്ക്ക് ബുദ്ധിമുട്ട് ഉണ്ടാകുന്ന തരത്തില് മൊബൈല് ഉപയോഗിക്കരുത്... ബസുകളിൽ പെരുമാറ്റച്ചട്ടവുമായി തമിഴ്നാട് സർക്കാർ.
പൊതുഗതാഗത യാത്രയ്ക്കിടെ ഹെഡ് ഫോണ് ഉപയോഗിക്കാതെ മൊബൈല് ഫോണില് ഉച്ചത്തില് പാട്ടുകേട്ടും റീല്സ് കണ്ട് മറ്റ് യാത്രക്കാര് ബുദ്ധിമുട്ടാക്കുന്നവര്ക്ക് തടയിടുന്നതിന്റെ ഭാഗമായാണ് വിജയ് സര്ക്കാരിന്റെ നടപടി.
നിയമലംഘകരില് നിന്ന് ആയിരം രൂപ വരെ പിഴയിടാക്കുമെന്ന് ഗതാഗത സെക്രട്ടറിയുടെ ഉത്തരവില് പറയുകയും ചെയ്യുന്നു. യാത്രയ്ക്കിടെ മറ്റുള്ളവര്ക്ക് ബുദ്ധിമുട്ട് ഉണ്ടാകുന്ന തരത്തില് മൊബൈല് ഉപയോഗിക്കരുതെന്നും യാത്രക്കാര് മൊബൈല് ഉപയോഗിക്കുന്നവര് ഹെഡ്ഫോണ് ഉപയോഗിക്കണമെന്നും ഉത്തരവിലുണ്ട്.
സംസ്ഥാനത്തെ 20,000ത്തോളം വരുന്ന സര്ക്കാര് ബസുകളില് പെരുമാറ്റച്ചട്ടം കര്ശനമായി നടപ്പാക്കാന് സര്ക്കാര് ഉത്തരവിടുകയും ചെയ്തു. ഇതിന്റെ ഭാഗമായി ബസുകളില് മൂന്ന് മുന്നറിയിപ്പ് സ്റ്റിക്കറുകള് സ്ഥാപിക്കുകയും ചെയ്യും. യാത്രക്കാര് ബസില് എങ്ങനെ മൊബൈല് ഫോണ് ഉപയോഗിക്കണമെന്നത് അതില് നിര്ദേശിക്കും.
സഹയാത്രികരെ ബഹുമാനിക്കണമെന്നും ശാന്തമായ അന്തരീക്ഷം സുരക്ഷിതയാത്രയ്ക്ക് അനിവാര്യമാണെന്ന് സന്ദേശവും ഈ സ്റ്റിക്കറില് ഉണ്ടാകും. ബസില് ഉറക്കെ പാട്ടുവെക്കുന്നതിനും വിലക്കേർപ്പെടുത്തി. ബസ് ജീവനക്കാര് ഡ്യൂട്ടി സമയത്ത് ഈ മാര്ഗനിര്ദേശങ്ങള് യാത്രക്കാര്ക്ക് വിശദീകരിച്ചു നല്കണമെന്നും, മറ്റുള്ളവര്ക്ക് ശല്യമുണ്ടാക്കുന്ന സന്ദര്ഭങ്ങളില് ഉടനടി ഇടപെടണമെന്നും ഗതാഗത സെക്രട്ടറിയുടെ ഉത്തരവില് പറയുന്നു. നിരവധി യാത്രക്കാര് സര്ക്കാരിന്റെ പുതിയ തീരുമാനത്തെ സ്വാഗതം ചെയ്യുകയും ചെയ്തു.
https://www.facebook.com/Malayalivartha
