കോട്ടയം മണിമലയിലാണ് യുവതിയുടെ വിളി കേട്ട് ചെന്ന യുവാവിന് പണി കിട്ടിയത്. കോട്ടയം മണിമല ചെറുവള്ളി സ്വദേശിയായ യുവതിയാണ് വീട്ടിലേക്കു വിളിച്ചു വരുത്തി യുവാവിനെ കബളിപ്പിച്ചത്. 41 വയസുകാരിയായ വിജയമ്മ തന്റെ പരിചയക്കാരനായ പ്രസാദിനെ രാത്രി വീട്ടിലേക്കു വീളിച്ചു വരുത്തി. രാത്രിയുള്ള വിളിയില്‍ പലതും പ്രതീക്ഷിച്ചു ചെന്ന പ്രസാദിന് നഷ്ടമായത് കൈയിലുള്ള പണവും കഴുത്തിലുള്ള മാലയും.

ഭര്‍ത്താവില്ലാത്ത താമസിക്കുന്ന വിജയമ്മ പരിചയക്കാരനായ പ്രസാദിനോട് പണം കടം ചോദിച്ചിരുന്നു. എന്നാല്‍ പ്രസാദ് പണം നല്‍കിയില്ലെന്ന് മാത്രമല്ല വിജയമ്മക്ക് പണം നല്‍കാനൊരുങ്ങിയ മറ്റൊരാളെ തടയുകയും ചെയ്തു. ഇതില്‍ വൈരാഗ്യം തോന്നിയ വിജയമ്മ ഒരു മാസം മുന്‍പ് സ്‌നേഹത്തോടെ പ്രസാദിനെ ഫോണില്‍ വിളിച്ചു വീട്ടിലേക്കു ക്ഷണിക്കുകയായിരുന്നു. എന്നാല്‍ വീട്ടിലെത്തിയ പ്രസാദിനെ സ്വീകരിച്ചത് വിജയമ്മക്ക് പകരം വിജയമ്മ ഏര്‍പ്പാടാക്കിയ വിജയമ്മയുടെ സുഹൃത്തുക്കളാണ്. വിജയമ്മയുടെ സുഹൃത്ത് ജബ്ബാറും സുഹൃത്തും ചേര്‍ന്ന് പ്രസാദിനെ മര്‍ദ്ദിക്കുകയും കൈയിലുള്ള പണവും മൂന്നു പവന്റെ മാലയും തട്ടിപ്പറിക്കുകയും ചെയ്തു..സംഭവത്തിന് ശേഷം വിജയമ്മ ആഭരണങ്ങള്‍ എരുമേലിയിലെ സ്വകാര്യ പണമിടപാട് സ്ഥാപനത്തില്‍ 60000 രൂപയ്ക്കു പണയം വക്കുകയും പിന്നീട് ആഭരണങ്ങള്‍ അവിടെ തന്നെ വില്‍ക്കുകയും ചെയ്തു.

സംഭവത്തിന്റെ നാണക്കേടോര്‍ത്ത് പ്രസാദ് പോലീസില്‍ പരാതി നല്‍കിയിരുന്നില്ല. എങ്കിലും പൊലീസിന് ലഭിച്ച രഹസ്യ വിവരത്തെ തുടര്‍ന്ന് നടത്തിയ അന്വേഷണത്തിലാണ് പ്രതികളെ പിടികൂടിയത്. സംഭവത്തില്‍ ജബ്ബാറിനെ സഹായിച്ച മറ്റൊരു പ്രതി ഇപ്പോഴും ഒളിവിലാണ്.