വാഹനമിടിച്ച് നടുറോഡില് രക്തംവാര്ന്ന് കിടന്നയാളെ ഗൗനിക്കാതെ ജനങ്ങള്, അതിനിടെ മൊബൈല് മോഷണവും; മനസാക്ഷിയെ ഞെട്ടിക്കുന്ന വീഡിയോ പുറത്ത്
മറ്റൊരാളുടെ ജീവിതത്തില് എന്തു സംഭവിച്ചാലും അത് നമ്മളെ ബാധിക്കാറില്ലല്ലോ എന്ന ആശ്വാസത്തില് ജീവിക്കുന്ന നിരവധി പേരുണ്ട് ഈ ലോകത്ത്. നാളെ അയാള്ക്ക് വന്നത് നമ്മുടെ കുടുംബത്തെത്തിയാല് കാര്യങ്ങള് മാറി മറിയും. അപകടത്തില് പെട്ടവര്ക്ക് ഒരു കൈ സഹായം നല്കാന് നിങ്ങള് തയ്യാറാല് ഒരു പക്ഷേ ഒരു കുടുംബം രക്ഷപെടും. ഡല്ഹിയിലെ സുഭാഷ് നഗറില് ഒരു മിനി ട്രക്ക് ഇടിച്ച് നടുറോഡില് രക്തം വാര്ന്ന് കിടന്നയാളുടെ മെബൈല് മോഷ്ടിക്കുന്ന സിസിടിവി ദൃശ്യങ്ങള് പുറത്ത്. കൃത്യസമയത്ത് സഹായം ലഭിക്കാതെ പശ്ചിമ ബംഗാള് സ്വദേശിയായ മതിബോല് എന്ന 40 വയസുകാരന് മരിച്ചു.
പകല് സമയങ്ങളില് റിക്ഷ ഓടിക്കുന്ന മതിബോല് രാത്രിയില് സുഭാഷ് നഗറിലെ ഒരു ഓഫീസില് സുരക്ഷാ ഗാര്ഡനായി ജോലി ചെയ്തിരുന്നു. അപകടത്തില് രക്തസ്രവം സംഭവിച്ച് കിടക്കുന്ന ഇയാളെ ഒന്ന് തിരിഞ്ഞ് പോലും നോക്കാതെ ഇയാളുടെ ഫോണ് മോഷ്ടിക്കുന്ന റിക്ഷ ഓടിക്കുന്നയാളുടെ സിസിടിവി ദൃശ്യങ്ങളാണ് പൊലീസ് പുറത്ത് വിട്ടത്. അപകടത്തിന്റെ ആഘാതത്തില് ഇയാള് തെറിച്ച് വീഴുന്നതും വാഹനം ഓടിച്ചയാള് പുറത്തിറങ്ങി എങ്കിലും മതിബോളിനെ രക്ഷിക്കാന് ശ്രമിക്കാതെ സംഭവസ്ഥലത്ത് നിന്ന് രക്ഷപ്പെടുന്നതും സിസിടിവി ദൃശ്യങ്ങളില് വ്യക്തമായി കാണാം.
ഇന്നലെ രാവിലെ 5.30 നാണ് അപകടമുണ്ടായതെന്നാണ് പൊലീസ് പറയുന്നത്. ജോലി കഴിഞ്ഞ് വീട്ടിലേക്ക് മടങ്ങുന്ന വഴിയായിരുന്നു അപകടം ഉണ്ടായത്. തിരക്കേറിയ റോഡിലൂടെ നിരവധി ആളുകള് കടന്നുപോയി എങ്കിലും ഒരു മണിക്കൂര് നേരം ആരാലും സഹായം ലഭിക്കാതെ ഇയാള് റോഡില് കിടന്നു. പിന്നീട് ഇയാളെ ആശുപത്രിയില് പ്രവേശിപ്പിച്ചു എങ്കിലും അമിതമായ രക്തസ്രാവം കാരണം മരണം സംഭവിച്ചിരുന്നു. സംഭവത്തില് മതിബൂലിനെ ഇടിച്ചിട്ട വാഹനമോടിച്ചയാളെയും മൊബൈല് മോഷ്ടിച്ചയാളെയും പൊലീസ് തിരച്ചില് നടത്തിവരുകയാണ്.
വാഹനമിടിച്ച് നടുറോഡില് രക്തംവാര്ന്ന് കിടക്കുന്നയാളുടെ ഫോണ് മോഷ്ടിക്കുന്ന ദൃശ്യങ്ങള്:
https://www.facebook.com/Malayalivartha
