വാഹനാപകടം: പ്രായപൂര്ത്തിയാകാത്ത മകന് വാഹനം കൊടുത്ത പിതാവിന് 50,000 രൂപ പിഴ
ഇനി വണ്ടി കൊടുത്താല് പിതാവിന് ജയിലെന്ന് കോടതി. ലൈസന്സില്ലാതെ വാഹനമോടിച്ചതിന് പ്രായപൂര്ത്തിയാകാത്ത വിദ്യാര്ത്ഥിയുടെ പിതാവിന് ബോംബെ ഹൈകോടതി 50,000 പിഴ ചുമത്തി. ലൈസന്സില്ലാതെ വാഹനമോടിച്ചതിനു പുറമെ മറ്റൊരു വിദ്യാര്ത്ഥിയെ അപകടത്തിലാക്കിയെന്നാണുമാണ് കേസ്.
കഴിഞ്ഞ വര്ഷം നവംബര് പതിനാലിനാണ് മുംബൈ സബര്ബാന് അന്ധേരിയില് കാറപകടം നടന്നത്. അപകടത്തില് ഒരു കുട്ടിക്ക് പരുക്കേറ്റിരുന്നു. തുടര്ന്നുള്ള പൊലീസ് അന്വേഷണത്തിലാണ് അപകടത്തില് പട്ട കുട്ടിയുടെ സുഹൃത്തായ പ്രായപൂര്ത്തിയാകാത്ത ആണ്കുട്ടിയാണ് കാറോടിച്ചിരുന്നതെന്ന് മനസിലായത്. സാധാരണ അപകട കേസുകളില് കേസുകള് ഒത്തുതീര്പ്പാക്കുകയാണ് പതിവ്.
എന്നാല് ഇത്തരമൊരു കേസില് കോടതി സ്വമേധയാ കേസെടുക്കുകയായിരുന്നു. അപകടം സൃഷ്ടിച്ച വിദ്യാര്ത്ഥിയുടെ അച്ഛനാണ് അന്പതിനായിരം രൂപ പിഴ ഒടുക്കേണ്ടത്. പ്രായപൂര്ത്തിയാകാത്ത കുട്ടിക്ക് വാഹനമോടിക്കാന് നല്കിയ രക്ഷിതാക്കളുടെ നടപടിയെ കോടതി രൂക്ഷമായി വിമര്ശിച്ചു. പിഴയൊടുക്കുന്ന അന്പതിനായിരം രൂപ ടാറ്റാ മെമ്മോറിയല് ആശുപത്രിക്കും കാന്സര് റിസര്ച്ച് ഇന്സ്റ്റിറ്റിയൂട്ടിനും നല്കണമെന്ന് കോടതി നിര്ദ്ദേശിച്ചു.
https://www.facebook.com/Malayalivartha
