തെരുവുനായക്കളെ കൊല്ലുന്നതു വഴി കേരളത്തില്‍ പട്ടികളുടെ ആക്രമണം കുറയില്ലെന്ന് കേന്ദ്ര ശിശുക്ഷേമ വകുപ്പ് മന്ത്രി മനേക ഗാന്ധി. തിരുവനന്തപുരത്ത് പുല്ലുവിളയില്‍ തെരുവുനായ ആക്രമണത്തില്‍ അറുപത്തിയഞ്ചു കാരി കൊല്ലപ്പെട്ട് വാര്‍ത്തയോട് പ്രമുഖ വാരികയ്ക്കു നല്‍കിയ അഭിമുഖത്തില്‍ പ്രതികരിക്കുകയായിരുന്നു മനേക ഗാന്ധി. രാജ്യത്ത് മറ്റൊരു സംസ്ഥാനത്തും ഇത്തരത്തില്‍ ദയയില്ലാത്തൊരു സംഭവം നടന്നിട്ടില്ലെന്നും മനേക ഗാന്ധി അഭിമുഖത്തില്‍ പറഞ്ഞു.
ആക്രമണത്തില്‍ സത്രീ കൊല്ലപ്പെട്ടത് ഏറെ വിഷമകരമായ സംഭവമാണ്. തെരുവുനായ ആക്രമണം ഒഴിവാക്കാനായി നായ്ക്കളെ കൊന്നൊടുക്കുന്നത് മണ്ടത്തരമാണെന്നും മനേക ഗാന്ധി പറഞ്ഞു. വന്ധ്യം കരിച്ച നായ്ക്കള്‍ കടിക്കറില്ല. പുല്ലുവിളയിലെ നായ്ക്കളെ വന്ധ്യം കരിച്ചിരുന്നില്ല. ബീച്ചിലേക്കു പോയ സ്ത്രീയുടെ കൈവശം എന്തോ മാംസഭാഗം ഉണ്ടായിരിക്കണമെന്നും വെറുതേ നായ്ക്കള്‍ ആക്രമിക്കില്ലെന്നും മനേക ഗാന്ധി പറഞ്ഞു. കേരളത്തിലെ സ്ഥിതിഗതികളെ നിരീക്ഷിച്ചുകൊണ്ടിരിക്കുകയാണെന്നും ആവശ്യമെന്നും തോന്നിയാല്‍ വിഷയത്തില്‍ ഇടപെടുമെന്നും മന്ത്രി പറഞ്ഞു.
നേരത്തെ കേരളത്തിലെ തെരുവ് നായ ആക്രമണത്തില്‍ വളരെ വിചിത്രമായ മറുപടിയുമായി രംഗത്തെത്തിയ മനേക ഗാന്ധിക്കെതിരെ രൂക്ഷവിമര്‍ശനമുയര്‍ന്നിരുന്നു. തെരുവുനായ്ക്കളുടെ ആക്രമണത്തില്‍ നിന്നും രക്ഷ നേടാന്‍ മരം കണ്ടുപിടിക്കണമെന്നും. നായ്ക്കള്‍ ആക്രമകാരികളല്ലെന്നും അവര്‍ പറഞ്ഞു. ഇതിനെതിരെ വന്‍ പ്രതിഷേധമാണ് ഉയര്‍ന്നു വന്നത്.