കശ്മീര് സംഘര്ഷം രാഷ്ട്രീയപരമായി പരിഹരിക്കണമെന്ന് സുപ്രീംകോടതി, എല്ലാ പ്രശ്നങ്ങളും കോടതിക്ക് പരിഹരിക്കാന് പറ്റില്ല
ജമ്മു കശ്മീരില് തുടര്ന്നു കൊണ്ടിരിക്കുന്ന സംഘര്ഷം രാഷ്ടീയപരമായി പരിഹരിക്കാന് ശ്രമിക്കണമെന്നും എല്ലാ പ്രശ്നങ്ങളും കോടതിക്ക് പരിഹരിക്കാന് പറ്റില്ലെന്നും സുപ്രീംകോടതി പറഞ്ഞു. കശ്മീരിലെ സംഘര്ഷം ആശങ്ക ജനിപ്പിക്കുന്നതാണെന്നും കോടതി നിരീക്ഷിച്ചു. ജമ്മു കശ്മീര് നാഷണല് പാന്തേര്സ് പാര്ട്ടി (ഖഗചജജ) തലവന് ഭീം സിംഗും ആക്ടിവിസ്റ്റ് വക്കീലും പ്രധാനമന്ത്രിയുമായി ഇക്കാര്യം ചര്ച്ചനടത്തണമെന്നും സോളിസിറ്റ് ജനറല് ആവശ്യപ്പെട്ടു.
'ആര്എസ്എസ് സര്ക്കാരി'ന്റെ ചര്ച്ചയ്ക്ക് മോദി സിംഗിനെ ക്ഷണിച്ചില്ലെന്ന് സീനിയര് വക്കീല് കോടതിയില് പറയുകയുണ്ടായി. രാഷ്ട്രീ പ്രസ്ഥാവന കോടതിക്കകത്ത് പാടില്ലെന്ന് ബഞ്ച് താക്കീത് ചെയ്തു.
ജൂലൈ എട്ടിന് ഹിസ്ബുള് മുജാഹിദ്ദീന് കമാന്ഡര് ബുര്ഹാന് വാനി സൈനിക നടപടിക്കിടെ കൊല്ലപ്പെട്ടതോടെയാണ് കശ്മീര് സംഘര്ഷം ഉടലെടുത്തത്. സുരക്ഷാ ഉദ്യോഗസ്ഥരും പ്രതിഷേധക്കാരും തമ്മിലുണ്ടായ സംഘര്ഷങ്ങളില് ഇതുവരെ ഏതാണ്ട് 70 പേര്ക്ക് ജീവന് നഷ്ടമായി.
അയ്യായിരത്തിലധികം പേര്ക്ക് പരുക്കേല്ക്കുകയും ചെയ്തു.
ഈ പശ്ചാത്തലത്തിലാണ് കശ്മീരിലെ പ്രതിപക്ഷ പാര്ട്ടി നേതാക്കള് പ്രധാനമന്ത്രിയെ സന്ദര്ശിച്ചത്. ഒമര് അബ്ദുല്ലയുടെ നേതൃത്വത്തില് പ്രതിപക്ഷ നേതാക്കള് രാഷ്ട്രപതി പ്രണബ് മുഖര്ജിയെയും കോണ്ഗ്രസ് ഉപാധ്യക്ഷന് രാഹുല് ഗാന്ധിയെ കണ്ടിരുന്നു. കശ്മീരില് രാഷ്ട്രീയ പരിഹാരം കാണണമെന്നാണ് സംഘത്തിന്റെ ആവശ്യം.
https://www.facebook.com/Malayalivartha
