ശശികലയേയും ദിനകരനേയും പുറത്താക്കി... പനീര്ശെല്വത്തിന് പ്രധാന റോള്; ഭരണം നിയന്ത്രിക്കാന് വിദഗ്ധ സമിതി; പാര്ട്ടി അണികളുടെ മനസ് വായിച്ച് നേതാക്കള് ഒരുമിച്ചു
പാര്ട്ടി ജനറല് സെക്രട്ടറി സ്ഥാനം വി.കെ.ശശികല രാജിവയ്ക്കണമെന്നും ഇവരുടെ ബന്ധുക്കളെ അംഗീകരിക്കാന് കഴിയില്ലെന്നും ഒ.പനീര്ശെല്വം ഉറച്ചു നിന്നതോടെ എല്ലാ വഴിയും അടഞ്ഞു. ഇടഞ്ഞു നില്ക്കുന്ന പനീര്ശെല്വത്തിന് പാര്ട്ടി ഡെപ്യൂട്ടി ജനറല് സെക്രട്ടറി സ്ഥാനം നല്കാന് തയാറാണെന്ന ടി.ടി.വി.ദിനകരന്റ ഒത്തുതീര്പ്പ് ഫോര്മുല ഒ.പി.എസ് പക്ഷം തള്ളിക്കളഞ്ഞു.
ശശികലയെയും ബന്ധുക്കളെയും അംഗീകരിക്കാന് കഴിയില്ലെന്ന തന്റെ നിലപാടില് മാറ്റമില്ല. അമ്മയുണ്ടായിരുന്ന കാലത്ത് ഇവരെയാരെയും അടുപ്പിക്കുക പോലുമില്ലായിരുന്നു. പാര്ട്ടി ജനറല് സെക്രട്ടറിയായി സ്വയം അവരോധിച്ച ശശികലയുടെ നിയമനവും അംഗീകരിക്കാന് പറ്റില്ല. പാര്ട്ടിയെ രക്ഷിക്കുന്നതിന് വേണ്ടിയാണ് ശശികലയെയും കൂട്ടാളികളെയും പുറത്താക്കണമെന്ന് പറയുന്നതെന്നും ഒ.പി.എസ് വ്യക്തമാക്കി.
ഇതോടെ ശശികലയേയും ദിനകരനേയും പുറത്താക്കി. പനീര്ശെല്വത്തിന് പ്രധാന റോള് നല്കി. ഭരണം നിയന്ത്രിക്കാന് വിദഗ്ധ സമിതിയും രൂപെ മല്കി.
ഇടഞ്ഞു നില്ക്കുന്ന ഒ.പി.എസ് പക്ഷത്തെ അനുനയിപ്പിക്കാന് രാവിലെ ചെന്നൈയില് ഇരുപക്ഷവും യോഗം ചേര്ന്നിരുന്നു. ഇതിന് ശേഷം വൈകിട്ട് ഒ.പി.എസുമായി ശശികല പക്ഷം ചര്ച്ച നടത്താനും ധാരണയായിരുന്നു. എന്നാല് ഉപാധികളൊന്നും ഇല്ലാതെ ഒ.പി.എസ് പക്ഷക്കാര് പാര്ട്ടിയിലേക്ക് മടങ്ങിവരുമെന്ന് ശശികല പക്ഷം പ്രഖ്യാപിച്ചതോടെ കാര്യങ്ങള് കൂടുതല് സങ്കീര്ണമായി. പിന്നാലെയാണ് ശശികലയെയും ബന്ധുക്കളെയും ഒരുതരത്തിലും അംഗീകരിക്കാന് കഴിയില്ലെന്ന് ഒ.പി.എസ് വിഭാഗം വ്യക്തമാക്കിയത്.
അതിനിടെ രണ്ടില ചിഹ്നം തങ്ങള്ക്ക് ലഭിക്കാന് 50 കോടി വാഗ്ദാനം ചെയ്തെന്ന ആരോപണം ടി.ടി.ഇ. ദിനകരന് ചെന്നൈയില് നിഷേധിച്ചു. പോലീസ് അറസ്റ്റുചെയ്ത സുകേശ് ചന്ദ്രശേഖറിനെ അറിയില്ല. ഇതിനു പിന്നില് ഗൂഢാലോചനയുണ്ടെന്നും ദിനകരന് ആരോപിച്ചു.
https://www.facebook.com/Malayalivartha
