ഇന്ത്യയുമായി സമാധാനചര്ച്ചയ്ക്ക് തയ്യാറായി പാകിസ്ഥാന്; യുദ്ധമല്ല സമാധാനമാണ് വേണ്ടതെന്ന് പാക് സൈനിക മേധാവി, ഇന്ത്യയുമായുള്ള ബന്ധം സാധാരണനിലയില് ആക്കുന്നതിനായുള്ള നടപടികള്ക്കു സൈന്യത്തിന്റെ എല്ലാ പിന്തുണയുമുണ്ടാകും
എല്ലാ അയല് രാജ്യങ്ങളുമായുള്ള ബന്ധം മെച്ചപ്പെടുത്തേണ്ടതുണ്ട്. ഇന്ത്യയുമായുള്ള ബന്ധം സാധാരണനിലയില് ആക്കുന്നതിനായുള്ള നടപടികള്ക്കു സൈന്യത്തിന്റെ എല്ലാ പിന്തുണയുമുണ്ടാകുമെന്ന് പാക് സേനാമേധാവി ജനറല് ഖമര് ജാവേദ് ബജ്വ. യുദ്ധമല്ല സമാധാനമാണ് വേണ്ടത്, അതിനു ചര്ച്ചകള് നടത്തണമെന്ന് സേന ഇന്ത്യയുമായുള്ള സമാധാനചര്ച്ചയെ പിന്തുണയ്ക്കുമെന്ന് പാക് സൈന്യം.
യുദ്ധമല്ല സമാധാനമാണ് വേണ്ടത്, അതിനു ചര്ച്ചകള് നടത്തണമെന്ന് ബജ്വ പറഞ്ഞു. ഇന്ത്യയുമായി നല്ല സൗഹൃദമാണ് പാക് സൈന്യം ആഗ്രഹിക്കുന്നതെന്നും അദ്ദേഹം കൂട്ടിച്ചേര്ത്തു. ഇതിനായി ജനാധിപത്യ സര്ക്കാര് എടുക്കുന്ന ഏതു തീരുമാനത്തെയും പാക് സൈന്യം സ്വാഗതം ചെയ്യുന്നു. സെനറ്റിന് നല്കിയ വിശദീകരണത്തിലാണ് സേനാ മേധാവിയുടെ പ്രസ്താവന. ഇന്ത്യയുമായുള്ള ബന്ധം മെച്ചപ്പെടുത്താന് ശ്രമിക്കണമെന്നു പാകിസ്താനിലെ എംപിമാരോടു ബജ്വ നേരത്തെ ആവശ്യപ്പെട്ടിരുന്നു.
ഇന്ത്യയുമായുള്ള സമാധാനശ്രമങ്ങള്ക്ക് എതിരുനില്ക്കുന്നതു പാക് സൈന്യമാണെന്നു നേരത്തെ ആരോപണമുയര്ന്നിരുന്നു. ഇവ തെറ്റാണെന്നും സമാധാന ശ്രമങ്ങള്ക്കു തങ്ങള് മുന്കൈയെടുക്കാറുണ്ടെന്നും തെളിയിക്കുന്നതിനാണു നിലപാടുമാറ്റമെന്നു വിലയിരുത്തലുണ്ട്. അതേസമയം, ഇന്ത്യന് സേനയിലെ ഒരു വലിയ വിഭാഗം പാകിസ്ഥാന് എതിരാണെന്നു ബജ്വ പറഞ്ഞു. അഫ്ഗാന് ഇന്റലിജന്സുമായും ദേശീയ സുരക്ഷാ ഡയറക്ടറേറ്റുമായും ഇന്ത്യ നല്ല ബന്ധമുണ്ടാക്കിയിട്ടുണ്ട്. രാജ്യത്തു ഭീകരവാദം പ്രോത്സാഹിപ്പിക്കുന്നത് ഇന്ത്യയാണെന്നും അദ്ദേഹം ആരോപിച്ചു.
https://www.facebook.com/Malayalivartha