മലേഗാവ് സ്ഫോടനക്കേസില്‍ പ്രതികളാണെന്നു ആരോപിക്കപ്പെട്ട സാധ്വിപ്രജ്ഞ സിങ് ഠാക്കൂര്‍, ലഫ് കേണല്‍ പുരോഹിത് അടക്കമുള്ള ആറു പേരുടെ മക്കോക്ക ഒഴിവാക്കി. എന്‍ഐഎ പ്രത്യേക കോടതിയാണ് ഇവര്‍ക്കെതിരെയുള്ള മക്കോക്ക റദ്ദാക്കിയത്. പ്രജ്ഞ സിങ് ഠാക്കൂര്‍ അടക്കമുള്ള പ്രതികള്‍ സമര്‍പ്പിച്ച അപേക്ഷയിലാണ് നടപടി. പ്രജ്ഞ സിങ് ഠാക്കൂര്‍, ലഫ്. കേണല്‍ പുരോഹിത് എന്നിവര്‍ക്കെതിരെ യുഎപിഎയിലെ ഒരു വകുപ്പും ഒഴിവാക്കിയിട്ടുണ്ട്. യുഎപിഎയിലെ മറ്റ് വകുപ്പുകളും ഐപിസി വകുപ്പുകളും അനുസരിച്ച്‌ വിചാരണ നടത്തും.

സ്വാധ്വി പ്രജ്ഞ സിങ് ഠാക്കൂര്‍ , സന്ന്യാസി ദയാനന്ദ് പാണ്ഡെ, ലാഫ് കേണല്‍ ശ്രീകാന്ത് പുരോഹിത് , റിട്ട മേജര്‍ രമേശ് ഉപാധ്യയ് എന്നിവരടക്കം 11 പേര്‍ക്കെതിരെ മകോക്ക, യുഎപിഎ, ഐപിസി നിയമങ്ങളിലെ വിവിധ വാകുപ്പുകള്‍ ചുമാര്‍ത്തിയാണ് എടിഎസ് കുറ്റപത്രം സമര്‍പ്പിച്ചത്.

എന്നാല്‍ , പിന്നീട് കേസ് ഏറ്റെടുത്ത എന്‍ഐഎ പ്രജ്ഞ സിങ് അടക്കം ആറുപേര്‍ക്കെതിരെ എടിഎസ് കണ്ടെത്തിയ തെളിവുകള്‍ പര്യാപ്തമല്ലെന്ന്​ പറഞ്ഞ്​ രോഹിത് അടക്കം ശേഷിച്ച പ്രതികള്‍ക്കെതിരെയ​ണ് കുറ്റപത്രം നല്‍കിയത്. പ്രജ്ഞ അടക്കമുള്ള​വര്‍ ജാമ്യത്തിലാണെങ്കിലും കോടതി ഇവര്‍ക്ക് ക്ലീന്‍ചി​റ്റ്​ നല്‍കിയിട്ടില്ല.