തന്റെ പേര് സ്ഥാനാര്ഥി പട്ടികയില് നിന്നും ഒഴിവാക്കിയത് എന്തിനെന്നറിയില്ലെന്ന് കുമ്മനം രാജശേഖരൻ
വട്ടിയൂര്ക്കാവിലെ ബി.ജെ.പി സ്ഥാനാര്ത്ഥി എസ്. സുരേഷ് ആണെന്ന തീരുമാനത്തിന് പിന്നാലെ കുമ്മനത്തിന്റെ അഭിപ്രായം വന്നിരിക്കുന്നു. തന്റെ പേര് സ്ഥാനാര്ഥി പട്ടികയില് നിന്നും ഒഴിവാക്കിയതിന്റെ കാരണം അറിയില്ലെന്ന് കുമ്മനം രാജശേഖരന് പറഞ്ഞു.
ലോക്സഭാ തിരഞ്ഞെടുപ്പിൽ പരാജയപ്പെട്ടത് കൊണ്ടാണ് ഇത്തരത്തിലൊരു തീരുമാനം എടുത്തതായി കരുതുന്നില്ലെന്നും കുമ്മനം പറഞ്ഞു. നേരത്തെയും പല പരാജയങ്ങളും നേരിട്ട വ്യക്തിയാണ് താൻ. ഏതായാലും കേന്ദ്രത്തിന്റെ തീരുമാനം അച്ചടക്കമുള്ള പ്രവര്ത്തകനെന്ന നിലയില് സ്വീകരിക്കുമെന്നും അദ്ദേഹം പറഞ്ഞു. കേന്ദ്രത്തിന്റെ തീരുമാനം യുക്തമാണെന്നും സുരേഷിന്റെ വിജയത്തിന് വേണ്ടി എന്ത് ത്യാഗവും സഹിക്കാന് തയാറാണെന്നും അദ്ദേഹം പറയുകയുണ്ടായി. ജനസേവനത്തിനായി ഏത് സ്ഥാനവും ഉപയോഗപ്പെടുത്താമെന്നും കുമ്മനം പറഞ്ഞു.
https://www.facebook.com/Malayalivartha