തെരഞ്ഞെടുപ്പ് റാലിയില് സോണിയ ഗാന്ധി പങ്കെടുക്കില്ല; പകരം രാഹുൽ ഗാന്ധി പങ്കെടുക്കും
ഹരിയാന നിയമസഭാ തെരഞ്ഞെടുപ്പ് റാലിയില് കോണ്ഗ്രസ് അധ്യക്ഷ സോണിയ ഗാന്ധി പങ്കെടുക്കില്ല. ഹരിയാനയിലെ മഹേന്ദ്രഗഡില് നിന്നാണ് സോണിയ ഗാന്ധിയുടെ റാലി തീരുമാനിച്ചിരുന്നത്. എന്നാൽ റാലിയില് നിന്നും സോണിയ പിന്മാറിയതിന്റെ കാരണം എഐസിസി വ്യക്തമാക്കിയിട്ടില്ല.
എന്നാൽ സോണിയ ഗാന്ധിക്ക് പകരം രാഹുല് ഗാന്ധി റാലിയെ അഭിസംബോധന ചെയ്യും. വെള്ളിയാഴ്ച ഉച്ചയ്ക്ക് രണ്ടിനു മഹേന്ദ്രഗഡില് നിന്നും റാലി തുടങ്ങും. റാവു ദാന് സിംഗാണ് മഹേന്ദ്രഗറിലെ കോണ്ഗ്രസ് സ്ഥാനാര്ഥി. സോണിയ വീണ്ടും കോണ്ഗ്രസ് അധ്യക്ഷയായശേഷം നിശ്ചയിച്ച ആദ്യ തെരഞ്ഞെടുപ്പ് റാലിയായിരുന്നു മഹേന്ദ്രഗഡിലേത്. ഒക്ടോബര് 21ന് ഹരിയാനയില് വോട്ടെടുപ്പ്. ഫലപ്രഖ്യാപനം ഒക്ടോബര് 24നും.
https://www.facebook.com/Malayalivartha