സോഷ്യല് മീഡിയയില് പ്രചരിക്കുന്ന താനുള്പ്പെട്ട വീഡിയോ കൃത്രിമമായി ഉണ്ടാക്കിയതാണ്; പരാജയ ഭീതിയുള്ളവർ ചെയ്യുന്നതാണിത്; ആരോപണവുമായി കെ. സുരേന്ദ്രൻ
മതചിഹ്നങ്ങള് പ്രചാരണത്തിനായി ഉപയോഗിച്ചുവെന്ന പരാതി അടിസ്ഥാനരഹിതമെന്ന് കെ.സുരേന്ദ്രന് . സോഷ്യല് മീഡിയയില് പ്രചരിക്കുന്ന താനുള്പ്പെട്ട വീഡിയോ കൃത്രിമമായി ഉണ്ടാക്കിയതാണ്. ഇതിനെതിരെ ബി.ജെ.പി തിരഞ്ഞെടുപ്പ് കമ്മിഷന് പരാതി നല്കുമെന്നും കോന്നിയിലെ എന്.ഡി.എ സ്ഥാനാര്ത്ഥി പറഞ്ഞു. പരാജയഭീതി കൊണ്ട് സി.പി.എമ്മും യു.ഡി.എഫും നടത്തുന്ന പ്രചരണങ്ങൾ മാത്രമാണിതെന്നും അദ്ദേഹം കുറ്റപ്പെടുത്തി.
വീഡിയോ ഞങ്ങളുടെ പാര്ട്ടി ഇറക്കില്ല എന്ന കാര്യം എല്ലാവര്ക്കും അറിയാം.ഇതെല്ലാം ചെയ്തിരിക്കുന്നത് സി.പി.എമ്മിന്റെ സെെബര് വിഭാഗമാണ്. ഓര്ത്തഡോക്സ് തിരുമേനിയുടെയും എന്റെയും പടം വച്ച് വീഡിയോ തയ്യാറാക്കി സോഷ്യല് മീഡിയയില് പ്രചരിക്കുന്നതിനെതിരെ സെെബര് സെല്ലിനും തിരഞ്ഞെടുപ്പ് കമ്മിഷനും പരാതി നല്കും. വളരെ ആസൂത്രിതമായി നടന്ന നീക്കമാണിതെന്നും സുരേന്ദ്രൻ വ്യക്തമാക്കി. ഓര്ത്തഡോക്സ് വിഭാഗങ്ങളുടെ പിന്തുണ തനിക്ക് ലഭിക്കുന്നു എന്ന് മനസിലായവർ ആസൂത്രണം ചെയ്തത് ആണിത്. വിശ്വാസികളെ തെറ്റിദ്ധരിപ്പിക്കാനുള്ള ഗൂഢാലോചനയാണിതെന്നും സുരേന്ദ്രന് പറയുകയുണ്ടായി. ജനം എല്ലാം തിരിച്ചറിയും. ഇതിന്റെ ഒക്കെ നേരെ വിപരീത ഫലമാണ് ഉണ്ടാവാന് പോകുന്നതെന്നും 24ാം തീയതി കാണാം എന്നും സുരേന്ദ്രന് പറഞ്ഞു.
https://www.facebook.com/Malayalivartha