മലയാളികൾ വീണ്ടും കയ്യബദ്ധം ചെയ്തിരിക്കുന്നു. കേരളത്തിലെ ഈ ഉപതിരഞ്ഞെടുപ്പിൽ എല്‍ഡിഎഫും യുഡിഎഫും ജയിച്ചത് മലയാളികൾ ചെയ്ത കയ്യബദ്ധമാണെന്ന് സംവിധായകനും ബിജെപി നേതാവുമായ രാജസേനന്‍. ഫെയ്‌സ്ബുക്ക് ലൈവിലൂടെയാണ് തന്റെ പ്രതികരണം രാജസേനൻ അറിയിച്ചത്. ഒരിക്കലും ബിജെപി എവിടെയും തോൽക്കില്ല. ഹരിയാനയിലെയും മഹാരാഷ്ട്രയിലെയും തിരഞ്ഞെടുപ്പ് ഫലങ്ങള്‍ കാണുമ്പോൾ ഇത് വ്യക്തമാണ്. ഈ അടുത്ത് തന്നെ കേരളം ബിജെപി ഭരിക്കുമെന്നും രാജസേനൻ പറഞ്ഞു. ഉപതിരഞ്ഞെടുപ്പിൽ കേരളത്തിൽ മൂന്ന് സീറ്റ് യുഡിഎഫിനും രണ്ട് സീറ്റ്  എല്‍ഡിഎഫിനു മാണ് ലഭിച്ചത്. കമ്മ്യൂണിസ്റ്റുകാരും കോണ്‍ഗ്രസുകാരും ന്യൂനപക്ഷങ്ങളും ചേർന്നാണ് ബിജെപി യെ തോൽപ്പിച്ചത്. പതിവുപോലെ ഇക്കുറിയും അത്  നടന്നെന്ന് രാജസേനൻ പറഞ്ഞു. 

ഒരു മണ്ഡലങ്ങളിലും ബിജെപി യ്ക്ക് ജയിക്കാൻ കഴിഞ്ഞില്ല. എന്നാൽ മഞ്ചേശ്വരത്ത് മാത്രം ബിജെപി യ്ക്ക് രണ്ടാം സ്ഥാനത്ത് എത്താൻ കഴിഞ്ഞു. വട്ടിയൂര്‍കാവില്‍ ബിജെപി വോട്ടുകൾ പ്രതീക്ഷിച്ചിരുന്നു. പ്രതീക്ഷിച്ച വോട്ടുകൾ പോലും ഇവിടെ നിന്ന് നേടാൻ കഴിഞ്ഞില്ല. എന്നാൽ വൻ ഭൂരിപക്ഷത്തോടെ വി കെ പ്രശാന്ത് മണ്ഡലത്തിൽ വിജയിച്ചു. സുരേന്ദ്രനെയും, പ്രകാശ് ബാബുവിനെയും തോൽപ്പിച്ചപ്പോൾ പലരും സന്തോഷിച്ച് കാണും. കേരളം ബിജെപിയും ന്യൂനപക്ഷവും ഒന്നിച്ചു നിന്ന് ഭരിക്കും. അത് എത്രയും പെട്ടെന്ന് തന്നെ സംഭവിക്കും. ആ കാര്യത്തിൽ ഇനിയൊരു സംശയവും ഇല്ലെന്നും രാജസേനന്‍ പറഞ്ഞു.