ബിജെപി നേതാവ് സഞ്ജയ് ജെയിൻ എട്ടു മാസം മുൻപു തന്നെ ബന്ധപ്പെട്ടിരുന്നെന്ന് വെളിപ്പെടുത്തി കോൺഗ്രസ് എംഎൽഎ രാജേന്ദ്ര ഗുഡ. മുൻ മുഖ്യമന്ത്രി വസുന്ധര രാജെയെയും മറ്റു ബിജെപി നേതാക്കളെയും നേരിൽ കാണാൻ അദ്ദേഹം ആവശ്യപ്പെട്ടു .ബിജെപിയുടെ ഗെയിം പ്ലാൻ വളരെക്കാലമായി നടക്കുകയായിരുന്നുവെന്നും അദ്ദേഹം പറഞ്ഞു . എട്ട് മാസം മുൻപ്, വസുന്ധര രാജെയെയും മറ്റ് ബിജെപി നേതാക്കളെയും കാണാൻ ആവശ്യപ്പെട്ട് അദ്ദേഹം എന്റെയടുത്തെത്തിയിരുന്നുവെന്നും . അവരുടെ ആളുകളും ഇടനിലക്കാരും സജീവമായിരുന്നുവെങ്കിലും പദ്ധതി വിജയിച്ചില്ലെന്നും അദ്ദേഹം പറഞ്ഞു. 

സഞ്ജയ്ക്കെതിരെ കേസു നൽകുമോ എന്ന ചോദ്യത്തിന് കുതിരക്കച്ചവടവുമായി ബന്ധപ്പെട്ട് അദ്ദേഹം തന്നെ കണ്ടില്ലെങ്കിലും വസുന്ധര രാജെയെ കാണാൻ അദ്ദേഹം ആവശ്യപ്പെട്ടിരുന്നെന്ന ഗുഡ പറഞ്ഞു. രാജസ്ഥാനിന്റെ വികസനത്തിനു വേണ്ടി സർക്കാരിനെ ശക്തിപ്പെടുത്തുന്നതിന് യാതൊരു ഉപാധികളും കൂടാതെ താനടക്കമുള്ള ബിഎസ്പി നേതാക്കൾ കോൺഗ്രസിൽ ചേർന്നതെന്നും അദ്ദേഹം പറഞ്ഞു.അട്ടിമറി നീക്കം അന്വേഷിക്കുന്ന സ്പെഷൽ ഓപ്പറേഷൻസ് ഗ്രൂപ്പ് (എസ്ഒജി) വെള്ളിയാഴ്ചയാണ് സഞ്ജയ് ജെയിനിനെ അറസ്റ്റ് ചെയ്തത്. സഞ്ജയ് ഇപ്പോൾ റിമാൻഡിലാണ്. കേന്ദ്രമന്ത്രി ഗജേന്ദ്ര സിങ് ഷെഖാവത്ത്, കോണ്‍ഗ്രസ് വിമത എംഎൽഎ ബൻവർലാൽ ശർമ എന്നിവരും കേസിൽ പ്രതികളാണ്. കോൺഗ്രസിന്റെ വിമത എംഎൽഎമാർക്കു പണം വാഗ്ദാനം ചെയ്യുന്ന ശബ്ദരേഖയുടെ അടിസ്ഥാനത്തിലാണ് കേസ് ഇപ്പോൾ എടുത്തിരിക്കുന്നത്.