നിയമസഭാ തെരഞ്ഞെടുപ്പിന്റെ തീയ്യതി പ്രഖ്യാപിച്ചതിന് പിന്നാലെ കോൺഗ്രസ്സിന് മുന്നറിയിപ്പുമായി എ.കെ ആൻ്റണി. കുറ്റിച്ചൂലിനെ നിർത്തിയാലും കോൺഗ്രസ്സ് സ്ഥാനാർത്ഥി ജയിക്കുന്ന കാലമൊക്കെ കഴിഞ്ഞു എന്ന് അദ്ദേഹം അഭിപ്രായപ്പെട്ടു.

സ്ഥാനാർത്ഥികൾ പുതുമുഖങ്ങൾ ആയതു കൊണ്ട് മാത്രം കാര്യമില്ലെന്നും വിശ്വാസ്യതയും ഉണ്ടാവണം എന്നും ജനങ്ങൾക്ക് സ്വീകാര്യമായ സ്ഥാനാർത്ഥിയെ നിർത്തിയാലേ തെരഞ്ഞെടുപ്പിൽ ഗുണം ചെയ്യൂ എന്നും എ.കെ ആൻ്റണി പറഞ്ഞു.

പി.എസ്.സി ഉദ്യോഗാർത്ഥികളുമായി ബന്ധപ്പെട്ട പ്രശ്‌നവും ആഴക്കടൽ വിവാദവും കമ്മ്യൂണിസ്റ്റ് സർക്കാരിന് തിരിച്ചടി ഉണ്ടാക്കുമെന്നും അദ്ദേഹം അഭിപ്രായപ്പെട്ടു.