സിപിഎം മാർഗരേഖയിലെ വിവരങ്ങൾ പുറത്തേക്ക്.  ക്ഷേമ പെൻഷൻ കുടിശ്ശിക തീർക്കണമെന്ന് സിപിഎം മാർഗരേഖ. മാർഗരേഖയിലെ നിർദേശങ്ങൾ നോക്കാം; പാർട്ടിയുടെ പ്രവർത്തനത്തിന് നല്ല കേഡർമാരെ കിട്ടാനില്ല അടിസ്ഥാന വിഭാഗങ്ങൾക്കായുള്ള വികസന പദ്ധതികൾ മുടങ്ങരുത്. സർക്കാർ സാമ്പത്തിക അച്ചടക്കം പാലിക്കണം.

ജനങ്ങൾക്കിടയിലേക്ക് ഇറങ്ങി ചെന്ന് പ്രവർത്തിക്കാൻ ആളെ കിട്ടുന്നില്ല , ജനങ്ങളിൽ നിന്ന് സിപിഎം അകലുന്നതായും സിപിഎം സംസ്ഥാന സമിതിയിൽ ചൂണ്ടിക്കാട്ടുന്നു. വീടുകളുമായി പാർട്ടി പ്രവർത്തകർക്ക് ബന്ധം ഇല്ലാതാകുന്നു.  നഷ്ടപ്പെട്ട സ്വാധീനം തിരിച്ചു പിടിക്കണമെന്നും യോഗത്തിൽ ചിലർ പറഞ്ഞു  സിപിഎം സംസ്ഥാന സമിതി അവതരിപ്പിച്ച മാർഗരേഖയിൽ ആവശ്യപ്പെടുന്നത് സർക്കാരിന്റെ പ്രവർത്തനം കൂടുതൽ മെച്ചപ്പെടണമെന്നാണ് .

സർക്കാർ കൂടുതൽ തൊഴിലവസരങ്ങൾ സൃഷ്ടിക്കണം, ലൈഫ് ഭവന പദ്ധതിയുടെ നടപടികൾ വേഗത്തിലാക്കണം, ആക്ഷേപങ്ങൾക്ക് അതീതമായ പ്രവർത്തന ശൈലി ആവിഷ്‌കരിക്കണം, പാർട്ടിയുടെ താഴെ തട്ടിലെ പ്രവർത്തനങ്ങൾ സംബന്ധിച്ച പരാതികൾ പരിഹരിക്കണമെന്നും മാർഗരേഖയിൽ ചൂണ്ടിക്കാട്ടുന്നു.