ലാറ്ററല് എന്ട്രി നിയമനം പിന്വലിക്കാന് രാഹുല് ഗാന്ധിക്കും ഇന്ത്യ സഖ്യത്തിനും സാധിച്ചു; തുറന്നടിച്ച് കോണ്ഗ്രസ് പ്രവര്ത്തക സമിതി അംഗവും കെപിസിസി വര്ക്കിംഗ് പ്രസിഡന്റുമായ കൊടിക്കുന്നില് സുരേഷ് എംപി
കേന്ദ്രസര്വീസുകളില് സവരണതത്ത്വം അട്ടിമറിക്കപ്പെടുന്ന മോദി സര്ക്കാരിന്റെ ലാറ്ററല് എന്ട്രി നിയമനം പിന്വലിക്കാന് രാഹുല് ഗാന്ധിക്കും ഇന്ത്യ സഖ്യത്തിനും സാധിച്ചെന്ന് കോണ്ഗ്രസ് പ്രവര്ത്തക സമിതി അംഗവും കെപിസിസി വര്ക്കിംഗ് പ്രസിഡന്റുമായ കൊടിക്കുന്നില് സുരേഷ് എംപി.രാഹുല് ഗാന്ധിയുടെ നിലപാടിന് രാജ്യത്തെ ജനങ്ങളുടെ പിന്തുണ ലഭിക്കുന്നുയെന്ന ബോധ്യത്തിലാണ് മോദി സര്ക്കാരിന്റെ നിലപാട് മാറ്റം. ബിജെപിയുടെ സംവരണ വിരുദ്ധ മുഖം തുറന്നുകാട്ടാന് രാഹുല് ഗാന്ധിക്ക് കഴിഞ്ഞെന്നും കൊടിക്കുന്നില് സുരേഷ് പറഞ്ഞു.
സംവരണ തത്ത്വങ്ങളെ മറികടന്ന് തന്ത്രപ്രധാനമായ മന്ത്രാലയങ്ങളിലെ ഉന്നത പദവികളിലേക്ക് സ്ഥാപിതതാല്പര്യക്കാരെയും ബി.ജെ.പിക്ക് താല്പര്യമുള്ളവരെയും എത്തിക്കാനുള്ള എളുപ്പവഴിയായാണ് ലാറ്ററല് എന്ട്രിയെ മോദി സര്ക്കാര് കണ്ടത്.പട്ടികജാതി-പട്ടിക വര്ഗ-പിന്നാക്ക വിഭാഗങ്ങള്ക്ക് അര്ഹമായ സംവരണം നിഷേധിക്കുന്ന നീക്കമാണ് നടന്നത്.മതനിരപേക്ഷതയും സ്ഥിതിസമത്വവുമുള്പ്പെടെയുള്ള ഇന്ത്യന് റിപ്പബ്ലിക്കിന്റെ ആണിക്കല്ലുകള് പിഴുതുകളഞ്ഞ് ജാതിമേല്ക്കോയ്മയിലും വര്ഗീയ മാഹാത്മ്യത്തിലും അധിഷ്ഠിതമായ സമഗ്രാധിപത്യം ഉറപ്പിക്കാനാണ് സംഘ്പരിവാര് ലക്ഷ്യമിട്ടത്.
സിവില് സര്വീസ് മേഖലയെ സ്വകാര്യവത്കരിക്കാനുള്ള മോദിയുടെ നീക്കമാണ് ഇന്ത്യ സഖ്യം തകര്ത്തത്.ഭരണഘടനയെ നോക്കുകുത്തിയാക്കി അസ്ഥിരപ്പെടുത്താനുള്ള നീക്കം ആണ് മോദി ഭരണകൂടം നടത്തിയത്. രാജ്യത്തിന്റെ സമ്പത്ത് കൊള്ളയടിക്കുന്നതിനായി പിന്വാതില് നിയമനങ്ങള്ക്ക് കളമൊരുക്കിയ മോദിക്ക് പ്രതിപക്ഷ ശക്തിക്ക് മുന്നില് മുട്ടുമടക്കേണ്ടി വന്നുയെന്നും കൊടിക്കുന്നില് സുരേഷ് പറഞ്ഞു.
പട്ടികജാതി-പട്ടികവര്ഗക്കാര്ക്കിടയില് സാമ്പത്തികമായി മുന്നാക്കം നില്ക്കുന്നവരെ തൊഴില്, വിദ്യാഭ്യാസ മേഖലയില് നല്കുന്ന സംവരണത്തില് നിന്നൊഴിവാക്കാനും ഇതേവിഭാഗത്തില് സാമ്പത്തികമായി പിന്നാക്കം നില്ക്കുന്ന ചില ജാതികള്ക്ക് സംവരണത്തിനുളളില് മുന്ഗണനയും പ്രത്യേക ക്വാട്ടയും അനുവദിക്കാനും നിര്ദ്ദേശിക്കുന്ന സുപ്രീം കോടതി ഉത്തരവ് ആശങ്കയും ആശയക്കുഴപ്പുവും സൃഷ്ടിക്കുന്നതാണ്.
സുപ്രീകോടതിയുടെ ഈ വിധി ഭരണഘടന അംഗീകരിച്ച സംവരണതത്ത്വത്തിന് എതിരാണ്.ഈ വിഷയത്തില് സുതാര്യവും ശാസ്ത്രീയമായ പഠനം അനിവാര്യമാണ്.സംവരണത്തിലെ മാറ്റങ്ങള് വലിയ പ്രത്യാഘാതം ഉണ്ടാക്കും.പട്ടികജാതി പട്ടികവര്ഗ്ഗ വിഭാഗങ്ങളെ രണ്ടായി വിഭജിക്കുന്ന വിധി കൂടിയാണിതെന്നും സംവരണത്തില് ഉപസംവരണം അനുവദിക്കുന്നത് ശരിയാണോ എന്ന് പരിശോധിക്കണമെന്നും കൊടിക്കുന്നില് സുരേഷ് ആവശ്യപ്പെട്ടു.
https://www.facebook.com/Malayalivartha
