ബി ജെ പിയുമായി ധാരണയുണ്ടാക്കിയത് പുറത്തുവന്നതു കൊണ്ടാണ് ഇപി ജയരാജനെ LDF കൺവീനർ സ്ഥാനത്ത് നിന്നും നീക്കിയത് എന്ന് കോൺഗ്രസ് നേതാവ് രമേശ് ചെന്നി ത്തല . ധാരണ പുറത്തുവന്നില്ലായിരുന്നുവെങ്കിൽ ആ സ്ഥാനത്ത് തുടരുമായിരുന്നു. ബി ജെ പിയുമായി ധാരണയുണ്ടാക്കിയത് പുറത്തുവന്നതിന്റെ ഇരയാണ് ഇ.പി.ജയരാജൻ. ബി ജെ പി ബന്ധം തുടരവേ. പിടിക്കപ്പെട്ടപ്പോൾ ഉണ്ടായ ജാള്യത മറയ്ക്കാനാണ് ഈ പുറത്താക്കൽ എന്നും അദ്ദേഹം പറഞ്ഞു.

കേരളാപോലീസ് രാജ്യത്തിനു മാതൃകയായിട്ടുള്ള സംവിധാനമായിട്ടാണ് കണകാക്ക പ്പെട്ടിരുന്നത്. ദീർഘകാലം എസ്.പിയായിരുന്ന ഒരാൾ വെളിപ്പെടുത്തുന്നത് കേരളാ പോലീസ് നേരിടുന്ന ഗുരുതരമായ അവസ്ഥയാണ് ചൂണ്ടികാണിക്കുന്നത്. ഒരു കാലത്തുമില്ലാത്ത വിധം കേരളാ പോലിസിൽ നടമാടുന്ന പ്രശ്നങ്ങളിലെ മഞ്ഞ് മലയുടെ ഒരറ്റം മാത്രമാണിത്.

പി.വി. അൻവർ ഭരണകക്ഷിയുടെ ഒരു എം എൽ എയാണ് , അദ്ദേഹത്തോട് ദീർഘകാലം SP യായിരിക്കുന്ന വ്യക്തി പോലീസിനകത്ത് നടക്കുന്ന ഗുരുതരമായ സംഭവങ്ങൾ പറയുമ്പോൾ ആഭ്യന്തര വകുപ്പ് ഒരു നാഥനില്ല കളരിയാന്ന് എന്ന് നമ്മൾ വിചാരിക്കണം എന്നും അദ്ദേഹം പറഞ്ഞു.

 ഈ വകുപ്പിനെ നിയന്ത്രിക്കാൻ ആരുമില്ലാതായിരിക്കുന്നു ഇവരാണ് വളരെ പ്രമാദമായ കേസുകൾ അന്വേഷിക്കുന്നത് ഇത് ഗൗരവ്വത്തോടെ കാണേണ്ട കാര്യമാണ്. കേരളാ പോലീസിന്റെ വിശ്വാസ്യത ഇടതുമുന്നണി ഭരണത്തിൽ തകർന്നിരിക്കുന്നു വകുപ്പിൽ ചോദിക്കാനും പറയാനും ആരുമില്ല: മുഖ്യമന്ത്രിയുടെ പൊളിറ്റിക്കൽ സെക്രട്ടറിയുടെ നേതൃത്വത്തി ചുള്ള ഒരു ഗ്യാങാണ് കേരളത്തിൽ പോലീസിനെ ഭരിക്കുന്നത്. അതിന്റെ പ്രതിഫലനമാണ് നമ്മൾ കണ്ടു കൊണ്ടിരിക്കുന്നത്, ഒരു IPS ഉദ്യോഗസ്ഥൻ ഒരടിസ്ഥാനവുമില്ലാതെ ഇത്രയും കാര്യങ്ങൾ പറയില്ലല്ലോ എന്നും അദ്ദേഹം ചോദിച്ചു.