എൻസിപി അജിത് പവാർ പക്ഷത്തേക്ക് കൂറുമാറാൻ ആൻറണി രാജുവിനും കോവൂർ കുഞ്ഞുമോനും തോമസ്  കെ തോമസ് 100 കോടി വാഗ്ദാനം ചെയ്തെന്ന ആരോപണം മാർക്സിസ്റ്റ് പാർട്ടിയുടെ കള്ളക്കഥയെന്ന്  വി.മുരളീധരൻ.  എഡിഎം നവീൻ ബാബുവിന്‍റെ മരണത്തിൽ നിന്ന് വാർത്തകളെ വഴിതിരിച്ചുവിടാൻ മാധ്യമങ്ങളെ ഉപയോഗിക്കുയാണ് സിപിഎം ചെയ്യുന്നതെന്നും മുൻകേന്ദ്രമന്ത്രി മുംബൈയിൽ പറഞ്ഞു. അജിത് പവാറിന് കേരളത്തില്‍ ഒന്നും നേടാനില്ല.

സിപിഎമ്മിന്‍റെ പ്രചാരണതന്ത്രത്തിൽ മാധ്യമങ്ങൾ വീഴരുത് എന്ന് അദ്ദേഹം പറഞ്ഞു.  എഡിഎം നവീൻ ബാബുവിന്‍റെ മരണത്തിൽ  ഉത്തരവാദിയായ പി.പി. ദിവ്യ പത്തുദിവസമായി ഒളിവിലാണ്.  പിണറായിയുടെ പൊലീസ് ദിവ്യയെ ഒളിപ്പിക്കുകയാണ്. ദിവ്യ എവിടെ എന്ന ചോദ്യത്തിന് അജിത് പവാർ എന്നതല്ല അല്ല ഉത്തരമെന്നും അദ്ദേഹം പറഞ്ഞു. വാര്‍ത്ത തിരിച്ചുവിടാനുള്ള ബോധപൂര്‍വമായ ശ്രമമാണ് നൂറുകോടി ആരോപണത്തിന് പിന്നിലെന്നും വി.മുരളീധരന്‍ പറഞ്ഞു.