സിപിഎമ്മിന്റെ പത്തനംതിട്ട ജില്ലാ സമ്മേളനത്തിൽ മുഖ്യമന്ത്രി പിണറായി വിജയനും സിപിഐ നേതാക്കൾക്കും എതിരെ രൂക്ഷ വിമർശനം. ഓഖി ദുരന്തബാധിത മേഖലകൾ സന്ദർശിക്കാൻ മുഖ്യമന്ത്രി വൈകി എന്നായിരുന്നു വിമർശനം. നേരത്തെ ഓഖി ദുരന്തബാധിത പ്രദേശങ്ങൾ സന്ദർശിക്കാൻ വൈകിയതിൽ പ്രതിഷേധിച്ച് മുഖ്യമന്ത്രിയുടെ വാഹനം തീരപ്രദേശവാസികൾ തടഞ്ഞിരുന്നു.

മുഖ്യമന്ത്രിക്ക് പുറമെ സിപിഐ നേതാക്കൾക്കെതിരെയും സമ്മേളനത്തിൽ വിമർശനമുണ്ടായി. തുടർച്ചയായി ഇടതു മുന്നണിയെ പ്രതിരോധത്തിലാക്കുന്ന സിപിഐയെ മുന്നണിയിൽ വേണോ എന്ന് പരിശോധിക്കണമെന്നും സമ്മേളനത്തിൽ ആവശ്യമുയർന്നു. മാധ്യമ ശ്രദ്ധ ലഭിക്കുന്നതിന് വേണ്ടിയാണ് സിപിഐ സെക്രട്ടറി കാനം രാജേന്ദ്രൻ സിപിഎമ്മിനെ വിമർശിക്കുന്നതെന്നും പ്രതിനിധികൾ ആരോപിച്ചു.