യുഡിഎഫ് മുന്നണി വിട്ട ജെഡിയുവിനെതിരെ രൂക്ഷ വിമർശനവുമായി പ്രതിപക്ഷ നേതാവ് രമേശ് ചെന്നിത്തല. വീരേന്ദ്രകുമാര്‍ സാമാന്യ മര്യാദ കാട്ടിയില്ല. ജെഡിയുവിന് രാഷ്ട്രീയം അഭയം നല്‍കിയത് യുഡിഎഫിനോടുള്ള കടുത്ത രാഷ്ട്രീയ വഞ്ചനയാണെന്നും ചെന്നിത്തല പറഞ്ഞു. വള്ളത്തില്‍ ഇരുന്ന് വള്ളം മുക്കുന്നവര്‍ പുറത്തു പോകുന്നതാണ് നല്ലത്. ജെഡിയു മുന്നണി വിട്ടാല്‍ കേരള രാഷ്ട്രീയത്തില്‍ ഒന്നും സംഭവിക്കില്ലെന്നും അദ്ദേഹം വ്യക്തമാക്കി.

യുഡിഎഫില്‍ ഇരുന്നു കൊണ്ട് ഇടതു മുന്നണിയുമായി രഹസ്യ ബന്ധം വീരേന്ദ്രകുമാര്‍ ഉണ്ടാക്കി. വീരേന്ദ്രകുമാര്‍ യുഡിഎഫിനെ ചതിച്ചു. ഇടതുമുന്നണി നല്‍കാത്ത പാര്‍ലമെന്റ് സീറ്റ് ജെഡിയുവിന് നല്‍കിയത് യുഡിഎഫാണെന്നും അദ്ദേഹം പറഞ്ഞു. നിയമസഭാ തെരഞ്ഞെടുപ്പില്‍ നല്‍കിയ 7 സീറ്റിലും ജെഡിയു പരാജയപ്പെട്ടതിന്റെ കാര്യം ഇപ്പോള്‍ പറയുന്നില്ലെന്നും ചെന്നിത്തല കൂട്ടിച്ചേർത്തു.