കേന്ദ്ര ബജറ്റിനെ പരിഹസിച്ച് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. അധികാരത്തിലേറുന്നതിന് മുന്നെ പറഞ്ഞ കാര്യങ്ങള്‍ തന്നെയാണ് നാല് വര്‍ഷങ്ങള്‍ക്ക് ശേഷവും പറയുന്നതെന്ന് രാഹുൽ ചൂണ്ടിക്കാട്ടി. ഇനി ഒരു വർഷം കൂടിയല്ലേ ഉള്ളുവെന്നും അദ്ദേഹം ട്വിറ്ററിൽ കുറിച്ചു.

'നാല് വർഷം കഴിഞ്ഞു: ഇപ്പോഴും കര്‍ഷകര്‍ക്ക് മികച്ച വില വാഗ്ദാനം ചെയ്യുന്നു.
നാല് വർഷം കഴിഞ്ഞു: ബജറ്റിനോട് യോജിക്കാത്ത വ്യാമോഹ പദ്ധതികള്‍.
നാല് വർഷം കഴിഞ്ഞു: യുവാക്കള്‍ക്ക് ജോലിയില്ല.
നന്ദിയുണ്ട്, ഇനിയൊരു വർഷം കൂടിയല്ലേ ഉള്ളൂ…’ എന്നായിരുന്നു രാഹുലിന്റെ പ്രതികരണം.

ബജറ്റിനെതിരെ രൂക്ഷ വിമർശനവുമായി പ്രതിപക്ഷ നേതാക്കൾ രംഗത്തെത്തി. കേന്ദ്ര സർക്കാർ നടത്തിയത് തെരഞ്ഞെടുപ്പ് ബജറ്റാണ് എന്നായിരുന്നു ശിവസേനയുടെ പ്രതികരണം.