ബിജെപിക്കെതിരെ രൂക്ഷ വിമർശനവുമായി ശിവസേന. രാജസ്ഥാന്‍ ഉപതെരഞ്ഞെടുപ്പില്‍ ബിജെപിക്ക് ഉണ്ടായ കനത്ത തിരിച്ചടിക്കു പിന്നാലെയാണ് വിമർശനവുമായി ശിവസേന നേതാവ് സഞ്ജയ് റാവത്ത് രംഗത്തെത്തിയത്. ഗുജറാത്ത് തിരഞ്ഞെടുപ്പ് ഒരു ട്രെയിലറായിരുന്നു. രാജസ്ഥാന്‍ ഉപതിരഞ്ഞെടുപ്പ് ഇടവേളയാണ്. യഥാര്‍ഥ ചിത്രം 2019 ല്‍ കാണാമെന്നും അദ്ദേഹം പറഞ്ഞു.

ഒരു കാരണവശാലും 2019ലെ ലോക്സഭാ തിരഞ്ഞെടുപ്പില്‍ ബി.ജെ.പി സഖ്യത്തിലേക്ക് തിരിച്ചുപോകില്ലെന്നും ഒരിക്കല്‍ അംമ്പ് വില്ലില്‍നിന്ന് വേര്‍പ്പെട്ടു കഴിഞ്ഞാല്‍ പിന്നീട് തിരിച്ചു വരില്ലെന്നും അദ്ദേഹം പറഞ്ഞു. വരുന്ന ലോകസഭ തിരഞ്ഞെടുപ്പില്‍ ഒറ്റയ്ക്ക് മത്സരിക്കുമെന്ന് നേരത്തെ ശിവസേന വ്യക്തമാക്കിയിരുന്നു.

ഇന്നലെ ധനമന്ത്രി അരുണ്‍ ജയ്റ്റ്ലി അവതരിപ്പിച്ച ബജറ്റിനെയും സഞ്ജയ് റൗട്ട് പരിഹസിച്ചു. മോദി സര്‍ക്കാരിന്റെ അവസാനത്തെ സമ്പൂർണ്ണ ബജറ്റ് വെറും കടലാസ് കഷ്ണം മാത്രമാണ്. കര്‍ഷകര്‍ വീണ്ടും ആത്മഹത്യ ചെയ്യേണ്ടിവരും. അല്ലാതെ ഒരു പ്രഖ്യാപനവും രാജ്യത്ത് നടക്കാന്‍ പോകുന്നില്ലെന്നും അദ്ദേഹം കുറ്റപ്പെടുത്തി.