കേരളത്തിലെ ദുരിതാശ്വാസ ഫണ്ടിനായി നാടകം കളിച്ച് പ്രവാസി കുട്ടികള്; ഒരു പ്രസവത്തില് പിറന്ന പതിനൊന്നു വയസ്സുകാരായ മൂവര് സംഘമാണ് ദുരിതാശ്വാസ ഫണ്ടിലേക്ക് തുക കണ്ടെത്തിയത്
തൃശൂര് പ്രവാസി മലയാളികളായ ദമ്പതികളുടെ ഒരു പ്രസവത്തില് പിറന്ന പതിനൊന്നു വയസ്സുകാരായ മൂവര് സംഘമാണ് ദുരിതാശ്വാസ ഫണ്ടിലേക്ക് തുക കണ്ടെത്താന് തങ്ങള് വായിച്ച പുസ്തകത്തെ അധികരിച്ചുള്ള നാടകം കുടുംബ കൂട്ടായ്മയില് അവതരിപ്പിച്ചത്. കുടുംബ സദസ്സില് നാടകം കളിച്ച് നേടിയ തുകയാണ് ദുരിതാശ്വാസത്തിന് നല്കയത്.
കുരിയച്ചിറ നെഹ്റു നഗറില് താമസിക്കുന്ന ആലപ്പാട്ട് പാലത്തിങ്കല് എന്ജിനീയര് ടോണി ജോസഫിന്റെ പേരക്കുട്ടികളായ ആന്റണി, എലിസബത്ത്, റീത്ത എന്നിവര് അവധിക്കാലത്ത് നാട്ടിലെത്തിയതാണ്. ദോഹ മോഡേണ് ഇന്ത്യന് സ്കൂളിലെ അഞ്ചാം ക്ലാസ് വിദ്യാര്ഥികളാണ്. പ്രളയ ദുരിതാശ്വാസ നിധിയിലേക്ക് എന്തു കൊടുക്കാമെന്ന് ചിന്തിച്ചപ്പോഴാണ് നാടകം കളിച്ച് നേടാമെന്ന് തീരുമാനിച്ചത്. തങ്ങള് വായിച്ച ചാര്ളി ആന്ഡ് ദി ചോക്ലേറ്റ് ഫാക്ടറി എന്ന കഥയാണ് ഇവര് നാടകമായി അവതരിപ്പിച്ചത്. നാടകത്തിലൂടെ നേടിയ രൂപ അവിടെ എത്തിയ ഏങ്ങണ്ടിയൂര് എം.ഐ മിഷന് ആശുപത്രി ഡയറക്ടര് ഫാ. ഡോ.ഫ്രാന്സിസ് ആലപ്പാട്ടിന് കൈമാറുകയും ചെയ്തു. മക്കള് കാണിച്ച സല്പ്രവൃത്തിയുടെ മാതൃകയില് സന്തോഷവും അഭിമാനവും തോന്നിയ പിതാവ് വിനു ടോണി ദുരിതാശ്വാസ നിധിയിലേക്ക് 25,000 രൂപ സംഭാവന നല്കി.
https://www.facebook.com/Malayalivartha