പ്രവാസി തീർത്ഥാടകർക്ക് സന്തോഷ വാർത്ത .... സൗദിയിൽ തീർഥാടകർക്ക്​ ഉയർന്ന ​നിലവാരത്തിലുള്ള താമസ സൗകര്യങ്ങൾ ഉറപ്പുവരുത്താനായി ഹോട്ടൽ രംഗത്തെ വിദഗ്ധർ ഹജ്ജ്​ മന്ത്രാലയം ധാരണയിൽ ഒപ്പുവെച്ചു. ഹോട്ടൽ രംഗത്തെ വിദഗ്ധ കമ്പനിയായ ഒ.​വൈ.ഒ കമ്പനിയാണ് ഹജ്ജ്​ മന്ത്രാലയവുമായി കരാറിൽ ഏർപ്പെട്ടത്.

ഹജ്ജ്​,ഉംറ മന്ത്രി ഡോ. മുഹമ്മദ്​ സ്വാലിഹ്​ ബിന്ദനും കമ്പനി സി.ഇ.ഒ. റിച്ച്​ ആക്​​റോലുമാണ് കരാറിൽ ഒപ്പു​വെച്ചത്.ഉംറ മേഖലയിൽ ഭാവിയിലുണ്ടാകുന്ന തീർഥാടകരുടെ വർധനവ്​ കണക്കിലെടുത്താണ്​ പുതിയ കരാർ ഒപ്പുവെക്കൽ. മക്ക,മദീന, മശാഇർ എന്നിവിടങ്ങളിലെ തീർഥാടകരുടെ താമസ സൗകര്യങ്ങൾ ഏറ്റവും മികച്ചതാകുന്നതിന് വേണ്ട മാർഗ നിർദേശങ്ങൾ നൽകുന്നതിനും സംവിധാനങ്ങൾ തയ്യാറാക്കുന്നതിനുമാണിത്.

താമസ കെട്ടിടങ്ങൾ പരിശോധിക്കാനുള്ള സംവിധാനങ്ങൾ ക്രമീകരിക്കും. ഇതിനായി ഹജ്ജ്​ മന്ത്രാലയത്തി​​െൻറ സഹകരണത്തോടെ കമ്പനി രൂപവത്​കരിക്കും. ഹജ്ജ്​ വേളയിൽ ഏകദേശം 7000 ത്തോളം കെട്ടിടങ്ങൾ തീർഥാടകരുടെ താമസത്തിന്​ ഒരുക്കാറുണ്ടെന്നാണ്​ കണക്ക്​.