ഇന്ത്യൻ റിപ്പബ്ലിക് ദിനം ​ ബഹ്​റൈനിലെ ഇന്ത്യൻ എംബസി ആഘോഷിച്ചു. രാവിലെ 7.30 ന്​ സീഫിലെ ഇന്ത്യൻ എംബസിയിൽ സംഘടിപ്പിച്ച ചടങ്ങിൽ സാംസ്​ക്കാരിക പരിപാടികളും പരമ്പരാഗത നൃത്ത പരിപാടികളും ഉണ്ടായി. പരിപാടികളിൽ ഇന്ത്യൻ പ്രവാസികൾ പങ്കെടുത്തു.

ബഹ്​റൈൻ ഭരണാധികാരികൾ ഇന്ത്യൻ ഭരണാധികാരികൾക്ക്​ റിപ്പബ്ലിക്ക് ദിനാശംസകൾ നേർന്നു. രാജാവ്​ ഹമദ്​ ബിൻ ഈസ ആൽ ഖലീഫ ഇന്ത്യൻ രാഷ്​ട്രപതി റാം നാഥ്​ കോവിന്ദിന്​ ​റിപ്പബ്ലിക്​ ദിനാശംസകൾ അയച്ചു.

രാഷ്​ട്രപതിക്ക്​ ആരോഗ്യവും സന്തോഷവും നേർന്ന ഹമദ്​ രാജാവ്​ രാജ്യത്തിന്​ എല്ലാവിധ പുരോഗതിയും ഐശ്വര്യവും നേർന്നു. പ്രധാനമന്ത്രി പ്രിൻസ്​ ഖലീഫ ബിൻ സൽമാൻ ആൽ ഖലീഫ ഇന്ത്യൻ രാഷ്​ട്രപതി റാം നാഥ്​ കോവിന്ദിന്​ ​റിപ്പബ്ലിക്​ ദിനാശംസകൾ നേർന്നു.

ബഹ്​റൈൻ കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിൻസ്​ സൽമാൻ ബിൻ ഹമദ്​ ആൽ ഖലീഫ ഇന്ത്യൻ രാഷ്​ട്രപതി റാം നാഥ്​ കോവിന്ദ്​, ഉപരാഷ്​ട്രപതി വെങ്കയ്യ നായഡു, പ്രധാനമന്ത്രി നരേന്ദ്രമോദി എന്നിവർക്ക്​ ​ ​റിപ്പബ്ലിക്​ ദിനാശംസകൾ നേർന്നു