ഒരു പ്രവാസിയെ നിങ്ങൾ എത്രനാൾ കുറ്റം പറയും....ഓരോ പ്രവാസിയെയും നിങ്ങൾ എത്ര നാൾകുറ്റം പറയും. പറയുമ്പോഴെല്ലാം ഒന്ന് ഓർക്കണം. കേരളത്തിന്റെ സമ്പത്വ്യവസ്ഥയുടെ നാദിയും ഞരമ്പുംകൂടിയാണവർ. നാടും വീടും വിട്ട് വിദേശത്ത് ജോലിക്കായി എത്തുന്ന അവർ അനുഭവിക്കുന്ന കഷ്ടപ്പാടുകളെപ്രതി മറ്റൊന്നുമില്ല എന്ന് നാം ചിന്തിക്കുന്നെങ്കിൽ നമുക്ക് തെറ്റി....അറിയണം ഈ പ്രവാസിയുടെ നൊമ്പരം. ടിക്ടോക്കിൽ വൈറലായി സാമൂഹ്യ മാധ്യമങ്ങൾ ഏറ്റെടുത്ത വീഡിയോയ്ക്ക് പിന്നിൽ...

പ്രവാസലോകത്ത് പതിറ്റാണ്ടുകൾ താണ്ടിയവരുടെ വേദനകൾ പങ്കുവയ്ക്കുന്ന മലപ്പുറം ജില്ലയിലെ കൂട്ടായി സ്വദേശി അബ്ദുല്ല സലീമിന്റെ ടിക് ടോക് വിഡിയോ സമൂഹ മാധ്യമങ്ങളിൽ വൈറൽ ആയിരിക്കുകയാണ്. 3 പതിറ്റാണ്ടിലേറെ ഗൾഫിൽ കഴിഞ്ഞ സാധാരണക്കാരൻ എത്രകാലം കുടുംബത്തോടൊപ്പം കഴിഞ്ഞിട്ടുണ്ടാകുമെന്ന ചോദ്യവും ജീവിത യാഥാർഥ്യങ്ങളുമാണ് ഇതിൽ ഉൾപ്പെടുത്തിയിട്ടുള്ളത്. എന്നാൽ സൗദിയിലും യുഎഇയിലുമായി പതിറ്റാണ്ടുകൾ പിന്നിട്ട ഇദ്ദേഹം ഇതുവരെയുള്ള പാസ്പോർട്ടുകൾ അടുക്കിപ്പിടിച്ചാണ് തന്റെ സങ്കടങ്ങൾ പങ്കുവയ്ക്കുന്നത്. 1984 ൽ സൗദിയിലേക്കായിരുന്നു ഇദ്ദേഹത്തിന്റെ ആദ്യയാത്ര. അങ്ങനെ ഏറെ സഹനം ആവശ്യമുള്ള അറബ് വീട്ടിൽ കുറേക്കാലം ജോലിയും ചെയ്തു.

തുടർന്ന് കഫ്റ്റീരിയയിലേക്കു മാറിയിരുന്നു. ഷെഹ്സാൻ ഇദ്ദേഹം 3 വർഷത്തിനുശേഷം ലൈസൻസ് എടുത്തു ടാക്സി ഡ്രൈവർ ആയെങ്കിലും മെച്ചമുണ്ടായില്ല. ഇതേതുടർന്നു യുഎഇയിലേക്കു വിമാനം കയറുകയുണ്ടായി. അങ്ങനെ സഹോദരനൊപ്പം റാസൽഖൈമയിൽ റസ്റ്ററന്റ് തുടങ്ങിയെങ്കിലും വിജയിച്ചില്ല. ഒടുവിൽ ദുബായ് ഭരണാധികാരിയുടെ സബീൽ ഓഫിസിൽ ഡ്രൈവറായി നിയമനം ലഭിച്ചതോടെയാണ് സ്വസ്ഥത അനുഭവിച്ചു തുടങ്ങിയതെന്ന് ഇദ്ദേഹം തന്റെ വീഡിയോയിലൂടെ പറയുന്നു. എന്നാൽ ഓർക്കുക 32ാം വിവാഹ വാർഷികത്തിൽ നാട്ടിലേക്ക് വിളിച്ചപ്പോഴാണ് ഭാര്യ ഹൃദയഭേദകമായ ആ ചോദ്യം ചോദിച്ചത് തന്നെ- നമ്മൾ എത്ര കാലം ഒന്നിച്ച് കഴിഞ്ഞിട്ടുണ്ടാകും? ഒപ്പം ഓരോ പ്രവാസിയും സ്വയം ചോദിക്കുന്ന ചോദ്യങ്ങളും അതിനു കണ്ടെത്തുന്ന ഉത്തരങ്ങളും വിഡിയോയിൽ ഉൾപ്പെടുത്തിയിട്ടുണ്ട്.

അങ്ങനെ പ്രവാസജീവിതത്തിലെ വരുമാനം കൊണ്ടു 4 മക്കളിൽ 2 പേരെയും വിവാഹം ചെയ്തയയ്ക്കാൻ കഴിഞ്ഞതായി സലിം പറയുന്നു. ഒരാൾ ദുബായിലാണ്. അതോടൊപ്പം തന്നെ മൂന്നാമത്തെ മകൾക്ക് 13 വയസ്സുമാത്രമാണെങ്കിലും ഈ മകളുമൊത്ത് ചുരുങ്ങിയ നാളുകൾ മാത്രമാണു കഴിഞ്ഞത്. മക്കളുടെ വിവാഹത്തിൽ പങ്കെടുത്തെങ്കിലും അനുബന്ധ ചടങ്ങുകൾക്കൊന്നും പങ്കെടുക്കാൻ കഴിഞ്ഞിരുന്നില്ല. എന്നാൽ ഓർക്കുക ഈ കോറോണക്കാലത്ത് അതിന്റെ പേരിൽ പലരും പ്രവാസികളെ ക്രൂശിക്കുമ്പോൾ ഈ വിഡിയോ പ്രസക്തമാകുകയാണ്. ഫാത്തിമ ബീഗമാണു ഇദ്ദേഹത്തിന്റെ ഭാര്യ. ഒപ്പം മക്കൾ: മുബശിറ, മശ്ഹൂദ, മുഹമ്മദ് മുസവിർ, ഫാത്തിമ മിൻഹ എന്നിവരാണ്.