ബ്ലാക്ക്ബേണിൽ താമസിച്ചിരുന്ന മെയ്മോൾമാത്യു ബ്ലാക്ക്ബേൺ ആശുപത്രിയിൽ വച്ച് നിര്യാതയായ വാർത്ത ഏറെ നൊമ്പരമുണർത്തിയിരുന്നു. കോട്ടയം പുന്നത്തറ സ്വദേശിയായ മെയ്മോൾ ബ്ലാക്ക് ബേൺ ആശുപത്രിയിൽ നഴ്‌സായി ജോലി ചെയ്തുവരികയായിരുന്നു. പുന്നത്തറ നിലയംതോട്ടത്തിൽ കുടുംബാംഗമാണ് മെയ്മോൾ. യു.കെ ലിവര്‍പൂള്‍ സെന്റ് പയസ് ക്‌നാനായ മിഷന്‍ അംഗംകൂടിയാണ് മെയ്മോൾ. സ്കാരം ബുധനാഴ്ച രാവിലെ 11:30 (UK Time ) യു കെ യിലെ പ്രെസ്റ്റണിൽ നടക്കുകയുണ്ടായി. സംസ്കാര ശുശ്രുഷകൾ തത്സമയം സംപ്രേക്ഷണം ചെയ്യുകയുണ്ടായി.

അതേസമയം കോവിഡ്-19 നിയന്ത്രണങ്ങൾ നിലനിൽക്കുന്ന സാഹചര്യത്തിൽ സംസ്കാര ശുശ്രുഷകളിലെ പങ്കാളിത്തത്തിൽ കൃത്യമായ നിയന്ത്രണങ്ങൾ വരുത്തിയിരുന്നു, പ്രസ്തുത നിയന്ത്രണങ്ങൾ എല്ലാവരും പാലിച്ചുകൊണ്ടായിരുന്നു സംസ്കാര ശുശ്രൂഷയിൽ പങ്കെടുത്തത്. ഏവർക്കും പ്രിയങ്കരിയായ മെയ്മോൾ മാത്യുവിന്റെ വിരഹത്തിൻ അനുശോചനം അറിയിച്ചുകൊണ്ട് ഏവരും പൂർണമായി സഹകരിക്കുകയുണ്ടായി.

അതേസമയം മെയ്മോൾ മാത്യുവിനെ കഴിഞ്ഞ മാസം ശാരീരിക ബുദ്ധിമുട്ടുകൾ അനുഭവപ്പെട്ടതിനെ തുടർന്ന് ആശുപത്രിയിലെത്തിക്കുകയും അടിയന്തര ചികിത്സയ്ക്കുശേഷം മടക്കി അയക്കുകയുണ്ടായി. എന്നാൽ അഡ്മിറ്റ് ചെയ്യുകയായിരുന്നു. സെപ്റ്റിസീമിയ ആണെന്ന് കരുതപ്പെടുന്നു എങ്കിലും മരണകാരണം അവ്യക്തമായിരുന്നു . ലോകമെമ്പാടും കൊറോണ പടരുന്ന സാഹചര്യത്തിൽ സംശയത്തെ തുടർന്ന് നടത്തിയ ടെസ്റ്റിൽ മൂന്നു സ്വാബും നെഗറ്റീവ് ആണ്.

അതേസമയം തോൾ സംബന്ധമായ ഒരു ഓപ്പറേഷന് ശേഷം ഡിസ്ചാർജി ചെയ്ത വീട്ടിൽ എത്തിയ മെയ്‌മോൾക്ക് അസ്വസ്ഥത അനുഭവപ്പെത്തതിനെ തുടർന്ന് വീണ്ടും ആശുപത്രിയിൽ എത്തുകയായിരുന്നു. ആരോഗ്യനില വഷളായതിനെതുടർന്ന് വെന്റിലേറ്ററിലേക്ക് മാറ്റുകയും ചെയ്തു. എന്നാൽ എല്ലാവരുടെയും പ്രതീക്ഷകളും പ്രാർത്ഥനകളും നിഷ്‌ഫലമാക്കി മെയ്മോൾ മരണത്തിന് കീഴടങ്ങുകയായിരുന്നു. പരേതയായ മെയ്‌മോൾക്ക് രണ്ട് സഹോദരന്മാരാണ് ഉള്ളത്.യുകെയിലെ ഹാഡേഴ്‌സ്‌ഫീൽഡിൽ താമസിക്കുന്ന ബിബിയും മറ്റൊരു സഹോദരൻ ആയ ലൂക്കാച്ചൻ അമേരിക്കയിലുമാണ് ഉള്ളത്.