വന്ദേ ഭാരത് മിഷൻ പദ്ധതിയുടെ ഭാഗമായി സൗദിയിൽ നിന്നും ഗോ എയർ, ഇൻഡിഗോ വിമാനങ്ങൾക്കും സർവിസുകൾ നടത്താൻ കേന്ദ്ര സർക്കാർ അനുമതി നൽകിയതായി റിപ്പോർട്ട്. ഇതിൽ കേരളത്തിലേക്ക് സർവിസുകൾ ഇല്ല എന്നതാണ് മറ്റൊരു വിഷയം. ജൂൺ 19ന് ദമ്മാമിൽ നിന്നും ലക്നൗവിലേക്കാണ് ഗോ എയർ സർവിസ് ലഭ്യമാക്കിയിട്ടുണ്ട്. ദമ്മാമിൽ നിന്ന് നാലും റിയാദ്, ജിദ്ദ എന്നിവിടങ്ങളിൽ നിന്നും മൂന്നും സർവിസുകളാണ് ഇൻഡിഗോ നടത്തുന്നതായിരിക്കും.

അതോടൊപ്പം തന്നെ ജൂൺ 21 ന് ദമ്മാമിൽ നിന്നും ട്രിച്ചി, ഹൈദരാബാദ് വഴി ഗയ, അഹമ്മദാബാദ്, മംഗളൂരു എന്നിവിടങ്ങളിലേക്കാണ് ഇൻഡിഗോയുടെ ആദ്യ സർവിസുകൾ നടത്തുന്നത്. ജൂൺ 22 ന് റിയാദിൽ നിന്ന് ഭുവനേശ്വർ, ദൽഹി വഴി ഗയ, ബംഗലുരു എന്നിവിടങ്ങളിലേക്കും ജിദ്ദയിൽ നിന്ന് പൂനെ, ലക്നൗ, കോയമ്പത്തൂർ എന്നിവിടങ്ങളിലേക്കും ഇൻഡിഗോ സർവിസ് നടത്തുന്നതായിരിക്കും. ജൂൺ 16ന് ദമ്മാമിൽ നിന്നും ദൽഹി വഴി ഭുവനേശ്വരിലേക്ക് എയർ ഇന്ത്യയുടെ പുതിയൊരു സർവിസ് കൂടി പ്രഖ്യാപിച്ചതയാണ് റിപ്പോർട്ട്.

അതോടൊപ്പം തന്നെ നേരത്തെ കേരളത്തിലേക്ക് പ്രഖ്യാപിച്ചിരുന്ന രണ്ട് എയർ ഇന്ത്യ വിമാന സർവിസുകളുടെ തീയതികൾ മാറ്റിയതായി ഇന്ത്യൻ എംബസി. ജൂൺ 14ന് റിയാദിൽ നിന്നും കൊച്ചിയിലേക്ക് പോവേണ്ടിയിരുന്ന വിമാനം ജൂൺ 17ലേക്കും ജൂൺ 15ന് ദമ്മാമിൽ നിന്നും തിരുവനന്തപുരത്തേക്ക് പോവേണ്ടിയിരുന്ന വിമാനം ജൂൺ 18ലേക്കുമാണ് മാറ്റിയത്.