ചാര്ട്ടേഡ് വിമാനങ്ങളില് നാട്ടിലെത്തുന്ന പ്രവാസികൾ കോവിഡ് സര്ട്ടിഫിക്കറ്റ് ഹാജരാക്കണമെന്ന് ഇന്ത്യന് എംബസി; യാത്ര ചെയ്യാൻ അനുമതി ഇവർക്ക് മാത്രം
സൗദി അറേബ്യയടക്കമുള്ള എല്ലാ ഗള്ഫ് രാജ്യങ്ങളില് നിന്നും ചാര്ട്ടേഡ് വിമാനം വഴി കേരളത്തിലെത്തുന്ന പ്രവാസികള് കോവിഡ് സര്ട്ടിഫിക്കറ്റ് ഹാജരാക്കണമെന്ന് സൗദിയിലെ ഇന്ത്യന് എംബസി അറിയിച്ചതായി റിപ്പോർട്ട്. അടുത്ത ശനിയാഴ്ച മുതലാണ് ഇത് നിര്ബന്ധമാക്കിയിരിക്കുകയാണ്. കേരള സര്ക്കാര് പ്രത്യേകമായി ഇക്കാര്യം ആവശ്യപ്പെട്ടതാണെന്നും റിസള്ട്ട് നെഗറ്റീവ് ആയാല് മാത്രമേ യാത്രാനുമതി നല്കാനാവൂവെന്നും എംബസി പുറത്തിറക്കിയ ചാര്ട്ടേഡ് വിമാനസര്വീസ് നിബന്ധനകളില് വ്യക്തമാക്കിയിരിക്കുകയാണ്. എന്നാൽ ഈ നിബന്ധനയ്ക്കെതിരെ പ്രവാസലോകത്ത് പ്രതിഷേധം ശക്തമാകുകയാണ്..
അതോടൊപ്പം തന്നെ ഗള്ഫില് പരിശോധന നടത്തി കോവിഡ് നെഗറ്റിവ് സര്ട്ടിഫിക്കറ്റ് നേടുന്നവര്ക്ക് മാത്രമേ ചാര്ട്ടേഡ് വിമാനത്തില് നാട്ടിലേക്ക് എത്തിച്ചേരാൻ അനുമതി ഉണ്ടാകൂ എന്ന് കാണിച്ച് പ്രിന്സിപ്പല് സെക്രട്ടറി കെ ഇളങ്കോവന് കഴിഞ്ഞ ദിവസം ഉത്തരവ് ഇറക്കിയിരുന്നു. എന്നാൽ പ്രവാസികളെ ബുദ്ധിമുട്ടിലാക്കുന്ന ഈ ഉത്തരവില് നിന്ന് പിന്നോട്ട് പോയി എന്ന് സംസ്ഥാന സര്ക്കാര് കേന്ദ്രങ്ങള് വാക്കാല് അവകാശവാദം ഉന്നയിക്കുകയും ചെയ്തിരുന്നു. എന്നാല് കേരളത്തിന്റെ ഉത്തരവ് നടപ്പാക്കാന് ഗള്ഫിലെ ഇന്ത്യന് എംബസികള് നടപടികള് തുടങ്ങിയാതായി പലരും വ്യക്തമാക്കുകയുണ്ടായി.
എന്നാൽ മെഡിക്കല് സര്ട്ടിഫിക്കറ്റു വേണമെന്ന കേരള സര്ക്കാരിന്റെ നിബന്ധന സൗദിയിലെ പ്രവാസി മലയാളികളെയാണ് കൂടുതലായി ബാധിക്കുക. നിലവിലെ കണക്കനുസരിച്ച് സൗദിയില് കോവിഡ് മരണ സംഖ്യ ആയിരം കടന്നിട്ടുണ്ട്. സൗദിയിലെ ആശുപത്രികള് രോഗികളെ കൊണ്ട് നിറഞ്ഞിരിക്കുകയാണ്. ആയതിനാൽ തന്നെ വിമാനം പുറപ്പെടും മുന്പുള്ള കോവിഡ് പരിശോധനയ്ക്ക് സൗദിയില് അധികം സൗകര്യങ്ങള് ലഭ്യമല്ല. ഇതിനോടകം തന്നെ നൂറിലധികം ചാര്ട്ടേഡ് വിമാനങ്ങള് കേരളത്തിലേക്ക് പറക്കാന് സജ്ജമാവുകയാണ്. സംസ്ഥാന സര്ക്കാരിന്റെ ഈ ഉത്തരവ് നിലനില്ക്കുന്നതിനാല് ഈ വിമാനങ്ങളുടെ യാത്ര അനിശ്ചിതത്വത്തിലാകുക മാത്രമല്ല, പ്രവാസികളുടെ നിലവിലെ അവസ്ഥയെ ചൂഷണം ചെയ്യുകയാണ് സർക്കാർ.
എന്നാല് വന്ദേഭാരത് മിഷന് വഴി യാത്ര പോകുന്നവര്ക്ക് കോവിഡ് സര്ട്ടിഫിക്കറ്റ് വേണമെന്ന നിബന്ധനയില്ല എന്നത് സംശയം ഉന്നയിക്കുകയാണ്. കേരളം ഒഴികെ മറ്റു സംസ്ഥാനങ്ങളിലേക്ക് വിമാനം ചാര്ട്ടര് ചെയ്യുന്നവര്ക്കും ഈ നിബന്ധനയില്ല. തമിഴ്നാട്ടില് എത്തിയാല് കഴിയേണ്ട ക്വാറന്ൈന് നിരക്കും കോവിഡ് ടെസ്റ്റ് ചെയ്യാനുള്ള ഫീസും നല്കിയാല് വിമാനം ചാര്ട്ടര് ചെയ്യാവുന്നതാണ്.
https://www.facebook.com/Malayalivartha