യുഎഇയിൽ കൊവിഡ് ബാധിതരുടെ എണ്ണം 44,000ത്തിലേക്ക്
യുഎഇയിൽ 393 പേർക്ക് കൊവിഡ് സ്ഥിരീകരിച്ചു. രോഗമുക്തി ലഭിച്ചത് 755 പേർക്കാണ്. ഇതോടെ 30,966 പേർ രോഗമുക്തി നേടി..
വെള്ളിയാഴ്ച ഒമാനിൽ 852 പേർക്കാണ് കൊവിഡ്-19 സ്ഥിരീകരിച്ചത്. ഇതോടെ രാജ്യത്തെ ആകെ കൊവിഡ് ബാധിതരുടെ എണ്ണം 27,670 ആയി ഉയർന്നെന്ന് ഒമാനി ന്യൂസ് ഏജൻസി വ്യക്തമാക്കി. ഇന്ന് രോഗം സ്ഥിരീകരിച്ചവരിൽ 368 പേർ ഒമാനികളും 484 വിദേശികളുമാണുള്ളതെന്നാണ് ആരോഗ്യ മന്ത്രാലയത്തിന്റെ റിപ്പോർട്ട്. കഴിഞ്ഞ 24 മണിക്കൂറിനിടെ 3317 സാംപിളുകളാണ് രാജ്യത്ത് പരിശോധിച്ചത്.
ഒമാനിൽ ഇന്ന് ആറ് മരണങ്ങൾ കൂടി റിപ്പോർട്ട് ചെയ്തതോടെ കൊവിഡ് ബാധിച്ച് മരിച്ചവരുടെ എണ്ണം 125 ആയി ഉയർന്നിരിക്കുകയാണ്. ഇന്ന് 710 പേർക്കാണ് രാജ്യത്ത് രോഗമുക്തി ലഭിച്ചത്. ഇതോടെ ഒമാനിൽ കൊവിഡ് മുക്തി നേടിയവരുടെ എണ്ണം 13,974 ആയി ഉയർന്നെന്ന് ആരോഗ്യ മന്ത്രാലയം വ്യക്തമാക്കി. അതേസമയം 102 രോഗികളുടെ ആരോഗ്യനില അതീവ ഗുരുതരാവസ്ഥയിൽ തുടരുകയാണ്.
https://www.facebook.com/Malayalivartha