കൊറോണ വ്യാപനം വിതച്ച ദുരിതത്തിൽനിന്ന് അടിയന്തരമായി പ്രവാസികളെ നാട്ടിലെത്തിക്കാൻ ഒത്തിരിപേരുടെ അഭ്യർത്ഥനയുടെയും പ്രാർത്ഥനയുടെയും ഫലമായിട്ടാണ് വന്ദേഭാരത് മിഷന് കേന്ദ്രം അനുമതി നൽകിയത്. ഈ വാർത്ത പ്രവാസികൾക്ക് നൽകിയ ആശ്വാസം ചെറുതൊന്നുമല്ല. നിരവധിപേരാണ് ഇതുമൂലം നാടണഞ്ഞത്. കോറോണയെ അതിവേഗം തുരത്താൻ സാധിക്കുമെന്ന് തെളിയിച്ച ഗൾഫ് രാഷ്ട്രമായ യുഎഇ നിർണായക പ്രഖ്യാപനം ഉന്നയിച്ചിരിക്കുകയാണ്. വന്ദേഭാരത് മിഷന്റെ ഭാഗമായി യുഎഇയിലേക്ക് ആരേയും കൊണ്ടുവരരുതെന്ന് യുഎഇ സര്‍ക്കാര്‍ വ്യക്തമാക്കിയിരിക്കുകയാണ്.

ഇതുവഴി പ്രത്യേക അനുമതിയുണ്ടെങ്കില്‍ മാത്രമേ ആളുകളെ കൊണ്ടുവരാനാകൂ എന്നാണ് പറയുന്നത്. യുഎഇ പൗരന്‍മാര്‍ അടക്കമുള്ളവര്‍ക്ക് ഇത് ബാധകമാണെന്നും യുഎഇ ഇതിനോടകം തന്നെ വ്യക്തമാക്കിയിരുന്നു. ജൂലായ് 22 മുതല്‍ താമസവിസയുള്ളവര്‍ക്ക് രാജ്യത്തേക്ക് മടങ്ങിവരുന്നതിന് യുഎഇ ഇതിനോടകം തന്നെ അനുമതി നല്‍കിയിരുന്നു. ഇതേ തുടര്‍ന്നാണ് വന്ദേഭാരത് മിഷന്റെ ഭാഗമായി ഇന്ത്യയില്‍ നിന്ന് യുഎഇയിലേക്ക് ആളെ കൊണ്ടുവരുന്നതിന് എയര്‍ ഇന്ത്യ അനുമതി തേടിയത്. യുഎഇയില്‍ നിന്ന് പ്രവാസികളെ കൊണ്ടുവരുന്നതിന് വേണ്ടി നിലവില്‍ ഒഴിഞ്ഞ സീറ്റുകളുമായിട്ടാണ് എയര്‍ഇന്ത്യ സര്‍വീസ് നടത്തിവരുന്നത്.

അതോടൊപ്പം ന്നെ വന്ദേഭാരത് മിഷന്റെ ഭാഗമായി ആളെ കൊണ്ടുവരരുതെന്നാണ് യുഎഇ വ്യക്തമാക്കിയിരിക്കുന്നത്. ഡല്‍ഹിയിലെ യുഎഇ എംബസിയുടെയോ യുഎഇ വിദേശകാര്യ മന്ത്രാലയത്തിന്റെയോ അനുമതി ഉണ്ടെങ്കില്‍ മാത്രമേ ആളുകളെ കൊണ്ടുവരാന്‍ ആകുകയുള്ളൂവെന്നും അല്ലാതെ ആരേയും രാജ്യത്തേക്ക് കൊണ്ടുവരരുതെന്നും യുഎഇ സര്‍ക്കാര്‍ എയര്‍ ഇന്ത്യയെ അറിയിക്കുകയുണ്ടായി. എന്നാൽ ഇതിനിടെ ഇന്ത്യയില്‍ നിന്ന് ആളെ കൊണ്ടുപോകുന്നതിന് എമിറേറ്റ്‌സ് വ്യോമയാന മന്ത്രാലയത്തിന്റെ അനുമതി തേടിയിട്ടുണ്ട്. എയര്‍ ഇന്ത്യ നടത്തുന്ന വന്ദേഭാരത് മിഷന് സമാനമായിട്ടാണ് എമിറേറ്റ്‌സിന്റെ ആവശ്യം എന്നത് ശ്രദ്ധേയം. എന്നാല്‍ ഇക്കാര്യത്തില്‍ കേന്ദ്ര വ്യോമയാന മന്ത്രാലയം ഇതുവരെ തീരുമാനമെടുത്തിട്ടില്ല.

ഇത് പ്രവാസികളിൽ ഏറെ ആശങ്കയാണ് ഉളവാക്കുന്നത്. നിലവിൽ ഒഴിഞ്ഞ സീറ്റുകളുമായി സേവിസ് നടത്തുന്ന എയർ ഇന്ത്യയ്ക്ക് ഒത്തിരി നഷ്ടമാണ് നേരിടേണ്ടി വന്നിട്ടുള്ളത്. അത്തരം സാഹചര്യത്തിൽ യുഎഇ താമസക്കാരെ മാത്രമല്ല അടുത്ത മാസം മുതൽ വിസിറ്റ് വിസക്കാരെയും വിനോദസഞ്ചാരികളെയും സ്വാഗതം ചെയ്തത് എയർ ഇന്ത്യക്ക് നിര്ണായകമാകുകയായിരുന്നു. അവിടെയാണ് ഇപ്പോൾ യുഎഇ കടിഞ്ഞാൺ ഇട്ടിരിക്കുന്നത്.