കോവിഡ് സൃഷ്ടിക്കുന്ന സാമ്പത്തിക പ്രതിസന്ധിയെത്തുടര്‍ന്ന് ഗള്‍ഫ് മലയാളികളില്‍ 65 ശതമാനം പേര്‍ക്ക് തൊഴില്‍ നഷ്ടമാകുമെന്ന് സര്‍വേ. പ്രവാസി രിസാല മാഗസിന്‍ ഗള്‍ഫ് രാജ്യങ്ങളിലെ മലയാളികള്‍ക്കിടയില്‍ നടത്തിയ സര്‍വേയിലാണ് ഞെട്ടിക്കുന്ന ഈ കാണക്കു വിവരം പുറത്തുവരുന്നത്. ഇതിനോടകം 13.50 ശതമാനം പേര്‍ക്ക് തൊഴില്‍ നഷ്ടമായിട്ടുണ്ട്. 26.02 ശതമാനം പേര്‍ തൊഴില്‍ നഷ്ടപ്പെടലിന്റെ വക്കിലാണ്. 18.44 ശതമാനം പേര്‍ക്ക് സമ്പളം വെട്ടിക്കുറച്ചു. 7.32 ശതമാനം പേര്‍ക്ക് ശമ്പളമേയില്ലെന്നും സര്‍വേയില്‍ കണ്ടെത്തിട്ടുണ്ട്. ഗള്‍ഫ് പ്രവാസി ലോകത്ത് കോവിഡ് സൃഷ്ടിച്ച് സാമ്പത്തിക ആഘാതവും സ്വാധീനവും വ്യക്തമാക്കുന്നതാണ് സര്‍വേ.

ആറു ഗള്‍ഫ് രാജ്യങ്ങളിലായി വ്യത്യസ്ത തൊഴില്‍, ബിസിനസ് സാഹചര്യങ്ങളില്‍ പ്രവര്‍ത്തിക്കുന്ന 7223 പേരിലാണ് സര്‍വേ നടത്തിയത്. പ്രതിസന്ധിക്കിടയിലും ഗര്‍ഫിന്‍ തന്നെ തുടരുകയോ വൈകാതെ തിരിച്ചു വരികയോ വേണമെന്ന് അഭിപ്രായപ്പെടുന്നവരാണ് 52.04 ശതമാനവും. 14.84 ശതമാനം പേര്‍ക്ക് വരേണ്ടിവരും എന്നഭിപ്രായമുണ്ട്. 23.99 ശതമാനം പേര്‍ മറ്റു മാര്‍ഗമില്ലെങ്കില്‍ ഗള്‍ഫ് തിരഞ്ഞെടുക്കുമെന്ന് പറയുമ്പോള്‍ 8.90 ശതമാനം പേര്‍ മാത്രമാണ് ഇനി ഗള്‍ഫിലേക്കിലെന്ന് തീര്‍ത്ത് പറയുന്നത്.

പ്രവാസികളില്‍ 65.54 ശതമാനം പേര്‍ക്കും നാട്ടിലെത്തിയാല്‍ ജോലിയോ മറ്റു സംരംഭങ്ങളോ ഇല്ല. സംഘചിപ്പിക്കണം എന്ന് ആത്മവിശ്വാസം പ്രകടിപ്പിക്കുന്നവര്‍ 29.71 ശതമാനമുണ്ട്. 4.75 ശതമാനം പേര്‍ക്കുമാത്രം ജോലി.ാേ ബിസിനസോയുണ്ട്. നാട്ടിലെത്തിയാല്‍ അതിജീവനത്തിന് വായ്പ ഉള്‍പ്പെടെയുള്ള സാമ്പത്തിക സഹായം കാത്തിരിക്കുന്നവര്‍ 56.12 ശതമാനമുണ്ട്. പ്രവാസികളില്‍ 20.98 ശതമാനം പേര്‍ക്ക് സ്വന്തമായി വീടോ ഭൂമിയോയില്ലെന്നും സര്‍വേ വെളിപ്പെടുത്തുന്നു. ഭൂരിഭാഗം പ്രവാസികളും മക്കളുടെയോ ആശ്രിതരുടെയോ വിവാഹം, വിദ്യാഭ്യാസം പോലുള്ള ബാധ്യതകള്‍ ഉള്ളവരാണ്. ഘള്‍ഫില്‍ മെച്ചപ്പെട്ട അവസ്ഥില്‍ കുടുംബ സമേതം ജീവിക്കുന്നവര്‍ 15.79 ശതമാനം പേര്‍ മാത്രം. കോവിഡ് വ്യാപനം സാഹചര്യം ചെറുതും വലുതുമായ തോതില്‍ മാനസികാഘാതം സഋഷ്ടിച്ചു എന്നഭിപ്രായപ്പെടുന്നത് 65 ശതമാനം പേരാണ്. 34.65 ശതമാനം പേര്‍ കനത്ത ആഘാതമുണ്ടാക്കി എന്നഭിപ്രായപ്പെടുന്നു. സര്‍വേയില്ഡ പങ്കെടുത്തവരില്‍ 67.06 ശതമാനം പേരും 26 നും 40 നും ഇടയില്‍ പ്രായമുള്ളവരാണ്. 27.10 ശതമാനം പേര്‍ 41 നും 60 നും ഇടയിലുള്ളവരും 5.85 ശതമാനം പേര്‍ 18 നും 25 നും ഇടയില്‍ പ്രായമുള്ളവരുമാണ്.

കേരളത്തിന്റെ സാമ്പത്തിക മേഖലക്ക് ശക്തമായ താങ്ങായിരുന്ന ഗള്‍ഫ് പ്രവാസികളുടെ മടങ്ങിവരവ് ഇതിനോടകം തന്നെ കേരളത്തിന്റെ സാമ്പത്തിക മേഖലയെ സ്വാധീനിച്ചിട്ടുണ്ട്. പുറത്തു വരുന്ന സര്‍വേ ഫലം കൂടി പരിശോധിക്കുമ്പോള്‍ കൂടുതല്‍ പ്രതിസന്ധിയിലേക്കാണ് കേരളത്തിന്‍രെ സാമ്പത്തിക മേകള നീങ്ങുന്നതെന്ന് മനസിലാക്കാം.