കോവിഡ് 19 മുന്നണിപ്പോരാളികൾക്ക് വാക്സീൻ നൽകാൻ യുഎഇയുടെ അടിയന്തര അനുമതി.
കോവിഡ് 19 ലോക രാജ്യങ്ങളെ മുഴുവൻ പ്രതിസന്ധിയിലാക്കിയിരിക്കുകയാണ് .ഈ സാഹചര്യത്തിൽ ഓരോ രാജ്യങ്ങളും കോവിഡ് പോരാട്ടത്തിൽ കൂടുതൽ കരുതൽ കാണിക്കുന്നുണ്ട് .ഗൾഫ് രാജ്യങ്ങളിലെ നമ്മുടെ പ്രവാസികൾ വലിയ രീതിയിലുള്ള ബുദ്ധിമുട്ടുകളാണ് അനുഭവിക്കുന്നത് .ഓരോ രാജ്യങ്ങളും കോവിഡിനെതിരെയുള്ള വാക്സിൻ പരീക്ഷണത്തിൽ ആണ്.യു എ ഇയിലും അത്തരത്തിൽ നിർണായകമായ ചില നീക്കങ്ങൾ നടക്കുന്നു എന്ന വാർത്തയാണ് പുറത്തു വരുന്നത് .
കോവിഡ് 19 മുന്നണിപ്പോരാളികൾക്ക് വാക്സീൻ നൽകാൻ യുഎഇയുടെ അടിയന്തര അനുമതി. യുഎഇയിൽ മൂന്നാംഘട്ട പരീക്ഷണം നടത്തുന്ന വാക്സീൻ കോവിഡിനെതിരെ ശക്തമായി പ്രതികരിക്കുന്നുവെന്നും ശരീരത്തിലെ ദോഷവസ്തുക്കൾക്കെതിരെ പ്രവർത്തിക്കുന്നുവെന്നും ആരോഗ്യ–രോഗപ്രതിരോധ മന്ത്രി അബ്ദുൽ റഹ്മാൻ അൽ ഉവൈസ് പറഞ്ഞു.
വാക്സീനിന്റെ സുരക്ഷാ പരിശോധന നടത്തിയെന്നും ഫലം മികച്ചതാണെന്നും ഉപയോഗിക്കാമെന്നും അദ്ദേഹം വ്യക്തമാക്കി. അബുദാബിയിൽ നടക്കുന്ന മൂന്നാംഘട്ട വാക്സീൻ പരീക്ഷണത്തിൽ കഴിഞ്ഞ ആറ് ആഴ്ചകളായി 125 രാജ്യക്കാരായ 31,000 പേർ പങ്കെടുക്കുന്നതായി നാഷനൽ ക്ലിനിക്കൽ കമ്മിറ്റി ഫോർ കൊറോണ വൈറസ് ചെയർമാനും മൂന്നാംഘട്ട പരീക്ഷണത്തിന്റെ പ്രിൻസിപ്പൽ ഇൻവെസ്റ്റിഗേറ്ററുമായ നവാൽ അൽ കഅബി പറഞ്ഞു.
മറ്റു അസുഖങ്ങളുള്ള 1000 മുന്നണിപ്പോരാളികൾക്ക് വാക്സീൻ പരീക്ഷിക്കുകയും വിജയമാവുകയും ചെയ്തു. മറ്റു വാക്സീനുകൾ നൽകുമ്പോഴുള്ള പാർശ്വഫലങ്ങളേ ഇവർക്കുണ്ടായിട്ടുള്ളൂ. ഗുരുതരമായ പാർശ്വ ഫലങ്ങളോ മറ്റു രോഗങ്ങളോ റിപ്പോർട്ട് ചെയ്തിട്ടില്ലെന്നും ഇപ്പോഴുണ്ടായ ഫലം പഠനം കൂടുതൽ ശക്തമായി തുടരുന്നതിന് പ്രചോദനമാകുമെന്നും അൽ കഅബി വ്യക്തമാക്കി.
"
https://www.facebook.com/Malayalivartha