യുഎഇയിൽ പൊതുസ്ഥലങ്ങളിൽ ഇറങ്ങുമ്പോൾ പ്രത്യേകം സൂക്ഷിക്കുക; മാസ്ക് താഴ്ത്തിയാൽ പണിയാണേ മറക്കരുത്
കൊവിഡ് നൽകിയ വലിയ ആഘാതത്തിന് ശേഷം വീണ്ടും യുഎഇയിലേക്ക് ചുവടുറപ്പിക്കുകയാണ് പ്രവാസികൾ... . എന്നാൽ പഴയതുപോലെയല്ല യുഎഇ എന്ന കാര്യം പ്രവാസികൾ മറക്കാതിരിക്കുക..... യുഎഇയിൽ പൊതുസ്ഥലങ്ങളിൽ ഇറങ്ങുമ്പോൾ പ്രത്യേകം സൂക്ഷിക്കേണ്ട ഒരു കാര്യത്തെ പറ്റി ആണ് ഓർമ്മിപ്പിക്കാൻ പോകുന്നത്.. ഇല്ലെങ്കിൽ പിടിവീഴും എന്ന കാര്യത്തിൽ സംശയമില്ല.. മുഖാവരണം താഴ്ത്തിയിട്ടോ ധരിക്കാതെയോ പൊതുസ്ഥലങ്ങളിലേക്കിറങ്ങുന്നവരെ പിടികൂടാൻ യു.എ.ഇ.യിലുടനീളം പരിശോധന വ്യാപകമാക്കി കഴിഞ്ഞിരിക്കുകയാണ്. ദുബായ് സാമ്പത്തിക മന്ത്രാലയവും പോലീസും നടപടി ശക്തമായി പ്രാബല്യത്തിൽ കൊണ്ടു വന്നതിന് പിന്നാലെയാണ് ഈ തീരുമാനം
മുഖാവരണം ധരിക്കാത്തതിന് ജിമ്മുകൾ, തയ്യൽക്കടകൾ, മാളുകളിലെ ബിസിനസ് കേന്ദ്രങ്ങൾ ഉൾപ്പെടെ ദുബായിലെ 12 സ്ഥാപനങ്ങൾക്കാണ് പുതുതായി പിഴ ചുമത്തിയത്. സാമൂഹിക അകലം പാലിക്കാത്തതിന് അഞ്ച് ഷോപ്പുകൾക്ക് മുന്നറിയിപ്പും നൽകി. കോവിഡ് നിയമലംഘനങ്ങൾ ശ്രദ്ധയിൽപ്പെട്ടാൽ പൊതുജനങ്ങൾ 600545555 എന്ന നമ്പറിലോ www.consumerrights.ae എന്ന വെബ്സൈറ്റ് മുഖേനയോ അറിയിക്കണമെന്ന് മന്ത്രാലയം അഭ്യർഥിച്ചു.
സാമൂഹിക അകലം പാലിക്കാതിരുന്ന ബ്ലൂവാട്ടേഴ്സ് ഐലന്റിലെ ഒരു റെസ്റ്റോറന്റ് കഴിഞ്ഞ ദിവസം ദുബായ് സാമ്പത്തിക മന്ത്രാലയം അടപ്പിച്ചിരുന്നു. കോവിഡ് സുരക്ഷാ നിയമ ലംഘനങ്ങളുടെ പേരിൽ ദുബായിൽ പൂട്ടിയ രണ്ടാമത്തെ റെസ്റ്റോറന്റാണിത്. വെള്ളിയാഴ്ച സത്വയിലെ ഒരു റെസ്റ്റോറന്റും പൂട്ടിച്ചിരുന്നു. മുഖാവരണം ധരിക്കാതിരിക്കൽ, സാമൂഹിക അകലം പാലിക്കുന്നതിനുള്ള സ്റ്റിക്കറുകൾ സ്ഥാപിക്കാതിരിക്കൽ എന്നിവക്ക് മുന്നറിയിപ്പും നൽകി. ദുബായ് ടൂറിസം അധികൃതരും നാലോളം സ്ഥാപനങ്ങൾക്കെതിരേ നടപടിയെടുത്തിരുന്നു. 14 സ്ഥാപനങ്ങളുടെ പെർമിറ്റ് റദ്ദാക്കി. 19 സ്ഥാപനങ്ങൾക്ക് മുന്നറിയിപ്പ് നൽകി. നടപടികൾ പാലിക്കാത്ത ഒരു നീന്തൽ പരിശീലന കേന്ദ്രം സ്പോർട്സ് കൗൺസിലും പൂട്ടിച്ചു. ശാരീരിക അകലം പാലിക്കാത്തതിന് 5000 ദിർഹം പിഴയും ചുമത്തി. ജീവനക്കാരൻ മുഖാവരണം ധരിക്കാത്തതിന്റെ പേരിൽ മറ്റൊരു സ്പോർട്സ് സെന്ററിന് 3000 ദിർഹം പിഴ ചുമത്തുകയും ചെയ്തു.
https://www.facebook.com/Malayalivartha